2 Kata Koolent 12:1 - Jola-Kasa

¹ Leete kama isaloolo, maayeet min bajut tomuu jáliŋ yanooyan. Muñeˈe boot min ilob mata uhimmowawu li wahawu wan Amaaŋenawu áhiisommuu.

2 Kata Koolent 12:1 Referencias Cruzadas

Hulimahu Hásuumaahu loon Saŋ akiic homuu 16:7

Bale boot min ilobuul mal̥egen: haŋe majak boot li bukuluul mín ínje ijow. Mata ijowutumuu Anattenaawu let abil alako li bukuluul. Bale ijowumuu, fan íboñuluul ó’.

Hulimahu Hásuumaahu loon Saŋ akiic homuu 18:14

Kayif okila asaabumuu kunahaanaku kata Kusuwifaku aaniil: «Haŋe majak min an ano aket boot li ésukayi feh.»

Bakaanelabu 18:9

Li líiŋ li ehuka yakee, Amaaŋenawu li alob Fool li kahimmo aanool: — Sákoli, awu ulob, ban jakum ulu,

Bakaanelabu 23:11

Li líiŋ li ehukaayi yanab tomuu, Amaaŋenawu li áfu’ Fool min aanool: — Sákoli! Lulollob jak múmbaam li ésukayi inye yata Yeelusalem, ban loote ulob foof múmbaam li ésukayi yata Lom.

1 Kata Koolent 10:23

Kukee li bukuluul koone: «An layilo akaan wah wásuumool.» Mal̥egen! Bale inti wahawu feh ujake kakaan. «An layilo akaan wah wásuumool», bale inti wahawu feh uyilo ukaan bukanabuku min kank li káyinenaku kooliil.

1 Kata Koolent 14:6

Kutuyom, muñowu ibilumuu booluul íliiŋul li ilob li bukuluul li silob san jihaasut, jáliŋ buu léemi li ibaj li bukuluul? Let íjaliŋuul wahoowah, mantee yo yommuu ínje bakitteneluul hulim han Ateemit alobom, mantee wah wan ihaase, mantee hulim habilumulo li Ateemit, mantee foof li iliikenuul wah ukee.

1 Kata Koolent 6:12

Kukee li bukuluul koone: «Liyilo ikaan wah wásuumom.» Mal̥egen! Bale inti wahawu feh ujake kakaan. Liyilo een: «Liyilo ikaan wah wásuumom», bale let ikaanoolo amiikeel ata wahoowah.

2 Kata Koolent 12:11

Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.

2 Kata Koolent 12:5

Injé fan isaloolo mata an loon ummu. Bale let isaloolo mata ínje humumom, mantee yo yommuu mata búgootowabu búmbaam.

2 Kata Koolent 12:7

Liyiliyeene isaloolo ŋáa’ humum hata uhimmowawu wájaahalenimuu wan Ateemit áhiisommuu, bale lakaanonkaan min ibaj sílaam sáamak li eniilayi yúmbaam, jakum bil isaloolo. Wahawu unwu újimuu amalaka ata Sayitaane li abil atekom jakum bil itebenoolo.

2 Kata Koolent 12:9

Li aanom: «Kájiyaku kúmbaam kufiti, mata li búgooto bata an sembaasu súmbaam sijukeyimuu.» Boot kama min isaloolo mata búgootowabu búmbaam, bájum sembaasu sata Kilisita li silako lí ínje.

2 Kata Koolent 8:10

Boot min ilobuul kayinoolaku kúmbaam: hútiim bukuluul jilakomuu kútinaa li kasenaku, ban bukuluul jifañe li jisen. Jaajak ŋáa’ min jihanken li bulokabu umbu.

Kata Galasi 1:12

Inti li an líyabum hó, an foof aliikenutom ho, bale Yéesu Kilisita humumool alobom ho.

Kata Galasi 2:2

Lijowujow boot Yeelusalem mata Ateemit áhiisom kaanaku leete ijow boot bo. Nan íliiŋ bomuu, li ísuumen li kunahaanaku baleyiil, min íhiisiil Hulimahu Hásuumaahu han iwaaleyemuu bukanabuku kaletumuu kusuwif, jakum bil bulokabu ban ikaan nomuu li ban emmuu li ikaan bulako bulok bata kakaal̥o.

Kata Efées 3:3

Láhiisonhiis wahawu woola wahaasutimuu. Likiiceenuluukiic iban kulim min ilobuul jatit mata wo.

1 Kata Tesalonik 4:15

Li mal̥egenamu, hulimahu unhe Amaaŋenawu alobumuu ban ho foof áloli jommuu li jilobuul: bukan li ololaal kammuu li kulako li buloŋ nan Amaaŋenawu ammuu li abil, let kuyab kayooŋ bukanabuku kaketumuu kuban.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.