2 Kata Koolent 11:7 - Jola-Kasa

⁷ Nan iwaalewuulumuu Hulimahu Hásuumaahu hata Ateemit, igel̥l̥enutuul bacaam banooban. Liwalenoolowalenoolo ínje humumom min itebenuul. Wáa fíle, min ikaanumuu loon muñaˈa, likankaan kahoofoo?

2 Kata Koolent 11:7 Referencias Cruzadas

Bakaanelabu 20:33

Imelowut ehaaliis yata an, mantee éwulus yata an, mantee wañ wata akee.

Bakaanelabu 20:34

Bukuluul humumuul jihaase joon li kuŋenom lílokume, min ibaj wah boot li buloŋom li bata kanaake kunabumuu lí ínje.

Kata Lom 1:1

Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

1 Kata Koolent 9:12

Nokoomuu loon baje kukee kayilo kúbajum wah li bukuluul, áloli jihaŋiil mabaj kayilaaku unku, inti mo? Alóli jiyiliyeene jikaan mo, bale jikaanut mo, min jímuñ wahawu feh jakum bil jíji Hulimahu Hásuumaahu hata Kilisita li hújowaati loon hóotimuu hujow.

1 Kata Koolent 9:6

Mantee ínje li Balunabaas bale jóotimuu jilok li kúŋenoli min jiloŋ?

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 10:16

Fúlum tómuu, fan jijow jiwaale Hulimahu Hásuumaahu li halaabahu hata sísukasu sammuu búsol etaamayi yooluul, ban let jisaloolo mata bulok ban kukee kukaane tan kóotimuu kulok kujow kukib.

2 Kata Koolent 12:13

Waa sijangu saasu sibaje wan bukuluul jibajut? Mantee yo yommuu min eenutuulumuu jookenom. Ban kama li jibonketom min ikaanutuulumuu col.

2 Kata Koolent 2:12

Nan íliiŋumuu li ésukayi yata Tulowaas boot kawaale Hulimahu Hásuumaahu hata Kilisita, li ijuk kaanaku Amaaŋenawu lábabuubabul bútin boot lí ínje,

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

2 Kata Tesalonik 3:8

Alóli jikatut an min ákuumenoli maayiiñ, bale jiloolok etihunaka jiban ehuka li buyok li sílaam ló, jakum bil akee li bukuluul ákiloli hutiñ.