2 Kata Koolent 11:11 - Jola-Kasa

¹¹ Ban wáa újiye li ilob loon muñaˈa? Waa, ínje fíle ifañutuul? Let mo! Ateemit lahaase aan lifañuufañ.

2 Kata Koolent 11:11 Referencias Cruzadas

Hulimahu Hásuumaahu loon Saŋ akiic homuu 21:17

Yéesu li alaañen agel̥l̥enool búhaajut aanool: — Simoŋ, awu ata Saŋ, lufañonfañ? Li jok Fiyeel ŋáa’, mata Yéesu lalaañenlaañen agel̥l̥enool búhaajut aanool: «Lufañonfañ?» Fiyeel li aanool: — Amaaŋen, awu jahaasumuu wahawu feh, luhaase oon lifañifañ. Muñeˈe Yéesu li aanool: — Ucookoo kúgalalaanaku kúmbaam.

Bakaanelabu 15:8

Ban, Ateemit ahaasumuu kayinoo kata anoowan, láhiisenhiisen kaanaku layabiiyab nan aseniilumuu Buyinumabu Banabaabu foof loon asenolaal bomuu.

Kata Lom 1:9

Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul

2 Kata Koolent 11:10

Boot min ílobum li mal̥egenamu mata Kilisita ammuu lí ínje een: bajut an áami li áhilom ísaloolowum li halaabahu feh hata etaamayi yata Akaay.

2 Kata Koolent 11:31

Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut.

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 7:3

Ilobut loon muñaˈa boot kawatatenuul, mata loon ilob nomuu, bukuluul jumbuku li uyinumawu wóololi, ban bajut wah wayilo úfulenuul li úyinumoli, inti eketayi inti foot buloŋabu.

Eébulo 4:13

Bajut búwuwenum ban Ateemit ayilaat ajuk. Wahawu feh úhimulohimulo ban li uweeteni hákilool, ban anoowan li alolaal fan abil alob asenool mata wahawu feh wan akaanumuu.

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.