2 Kata Koolent 10:3 - Jola-Kasa

³ Mal̥egen, áloli bukan bale joom, bale jíloŋoliit loon bukanabuku kata adunaayi inye kuloŋemuu.

2 Kata Koolent 10:3 Referencias Cruzadas

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

Kata Lom 8:13

Jiloŋumuu naboo li bóonowabu booluul, fan jiket; bale jíjowummuu li Buyinumabu Banabaabu min jimuk bakaanelabu bajakutumuu bata eniilayi, fan jiloŋ.

Kata Lom 8:4

Ateemit lakankaan loon muñaˈa mantee macolamu man eluwaayi elobumuu mata mo, li mubaj li alolaal jáloŋeliitaamuu naboo li bóonowabu boololaal, bale jaloŋaalemuu loon Buyinumabu Banabaabu bufañumuu.

2 Kata Koolent 1:17

Min ifañumuu min ikaan loon muñaˈa, waa, iyinoolut fíle col? Mantee foof waa, ifañumuu kakaan wah, li lako lífañunfañum wo humum hata bóono bata ál̥ahukowan, min lako kama «éehe’» li «a’aa’» sóomi lí ínje li mano.

2 Kata Koolent 10:4

Ujunkowawu wan áloli jiŋalemuu min jitaj, inti wata adunaayi inye, bale sembaasu sata wo li Ateemit sibilumulo boot kayiis kuyolowaku kata kulatoolaaku koola. Alóli jíhoogulehoogul kulimaku kaletumuu mal̥egen,

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

1 Tímote 1:18

Añoolom Tímote, kulimaku unke lifañumuu min iseni. Kunaboonaboo li kan kufulofetaku kulob nomuu kuya li awu. Ujówum li kulimaku unku min utaj bútajabu bajakaabu,

2 Tímote 4:7

Litattaj bútajabu bajakumuu. Líliiŋe tan éetimuu itey ijow ítij, ban ibetenut káyinenaku kúmbaam.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.