2 Kata Koolent 10:12 - Jola-Kasa

¹² Li mal̥egenamu, áloli jikaañenut jiliiko, mantee foof jikittenoolum li kukee li bukanabuku kaluukenoolomuu buko humumiil. Bukanabuku umbuku kuŋalooloŋaloolo kukaan kaliikum boot li buko humumiil, ban li kuŋaloolo foof kukaan bukittenoolum boot li buko humumiil. Kutuukowut maayeet!

2 Kata Koolent 10:12 Referencias Cruzadas

Hulimahu Hásuumaahu loon Lík akiic homuu 18:11

Afaaliisiyeŋawu li ajow alako balewool min al̥aw aan: «Ateemit, lisali min inokoolutumuu loon bukan kaabuku kákuuwetemuu, li kájakaatimuu, ban li kunaak kuhinten kanaale kalet kooliil. Lisali min inokoolutumuu loon áyababuhalabu umma.

Kata Lom 15:18

Li mal̥egenamu, éetimuu ikaañen ilob mata wah ukee, fan lako bale wahawu wan Kilisita ákaanummuu lí ínje. Lájowunjowum lí ínje min akaan bukanabuku kaletumuu kusuwif kútuul Ateemit. Lákaanunkaanum mó li kulimaku kúmbaam li bakaanelabu búmbaam.

2 Kata Koolent 10:11

Anawu alobumuu loon muñaˈa laate ahaas wahawu unwe jak: Loon joonomuu li kulimaku kan jikiiculuumuu li sileetalasu áloli balet to, mo foof joonomuu li bakaanelabu bóololi áloli balakowe li bukuluul.

2 Kata Koolent 10:18

Li mal̥egenamu, let an asaloolowe aluukeneyi, bale anawu an Amaaŋenawu asalumuu akila aluukeni.

2 Kata Koolent 3:1

Waa, boot fíle min ulaañenaal útoŋaal kasaloolo alolaal humumolaal? Bukan kukee jokiijok min kúhiisuul sileetal salobe mooliil, mantee foof li kúyabum so li bukuluul. Waa, áloli foof jókolijok li sileetal loon unsu?

2 Kata Koolent 5:12

Alóli jifañut min jilaañen jisaloolo áloli húmumoli hákiluul, bale jifañe min jisenuul bútin min jibaj ésuumansuum li áloli. To bukuluul jóotummuu jíbaj wah wan jommuu jiŋa’ min jitontu bukanabuku kasaloolowemuu mata wah wata ñajuko, min kukat bo wata kata láala buyinumabu.