2 Kata Koolent 10:1 - Jola-Kasa

¹ Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 10:1 Referencias Cruzadas

Máciya 11:29

Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Máciya 21:5

«Joon kata Siyoŋ: “Jijuke, áyiiyawu ooluul ummu li ebil boot booluul, ájoobiye buyinum, malemboole li asum aale, li hulaaha hata asum, hubuk hata asum aale.”»

Bakaanelabu 8:32

Muñeˈe Hulimahu hata Ateemit han alakomuu kajangaaku ho hommuu unhe: «Lanokoonokoo loon húgalalaan han kóomi li kájowetum boot jamuk, loon ágalalaan akumbowe hákil kammuu li kámiit hó. Alobut hulimoohulim.

Kata Lom 10:20

Esay akila li akaañen aan: «Likaakat bukanabuku kalakowutommuu huŋes min kujukom. Li ílaŋul hákil bukan kaŋesut min kuhaas múmbaam.»

Kata Lom 12:1

Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Kata Lom 15:15

Tin tameeŋe li eleetalayi inye, likiiculuukiic to kulim kal̥aal̥e, boot kawayil̥enuul wah wan jihaase. Likankaan mo, humum hata kájiyaku kan Ateemit asenommuu,

1 Kata Koolent 2:3

Wahawu unwu újimuu, li ibil boot booluul mágootowe ban foof li kateelen ló kata ekole.

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

1 Kata Koolent 4:21

Waa jihaŋe mafañ? Mantee ibil boot booluul li egol ló, mantee li húbooli ló li buyinum bájoobiye?

2 Kata Koolent 10:10

mata konsoon: «Kulimaku kan alobemuu li sileetalasu soola kútaañitaañi ban li kul̥aal̥ ŋáa’, bale ajowumuu alako li alolaal, let abaj sembe ban balobelabu boola li búyiyeni ŋáa’.»

2 Kata Koolent 10:2

Injé ummu li kal̥awuul: jakum jíjiwom li ibil booluul íliiŋul, li ilobuul kulim kátaañiye, mata lifañe min íhiis kakaañenaku kúmbaam bukanabuku kaanemuu wahawu wan áloli jikaanemuu, li kásiibo kata eniilayi jíkaanum wo.

2 Kata Koolent 10:7

Bukuluul jijuke wahawu loon woonomuu. An li bukuluul ayinoomuu li aan okila an ata Kilisita, alaañen ayinoo jak min ahaas aan: áloli foof bukan kata Kilisita joom loon akila humumool.

2 Kata Koolent 11:21

Lisuusuumuu min ilob mo: kama áloli búgootowoli bújimuu jikaanutuul wahawu unwu. Boot min ilob loon an awele: wah wan kukee kukaañene kúsaloolowum li wo, ínje humumom foof liyilo ísaloolowum li wo.

2 Kata Koolent 11:30

Nokoomuu loon boot min isaloolo, kama fan isaloolo mata búgootowabu búmbaam.

2 Kata Koolent 12:5

Injé fan isaloolo mata an loon ummu. Bale let isaloolo mata ínje humumom, mantee yo yommuu mata búgootowabu búmbaam.

2 Kata Koolent 3:12

Kákangumaku unku kan jibajumuu kújiwoliji li jilob li bukanabuku li káwoolu káamak ló.

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

2 Kata Koolent 7:4

Libabbaj kákangum káamak li bukuluul, ban súumonsuum li bukuluul ŋáa’. Li sílaamasu sóololi feh, libabbaj kawankulen káamak, ban ésuumansuum yaluuke ŋáa’ li yoono lí ínje.

Kata Galasi 4:13

Jiwayil̥owe joon kásomut kújiwommuu li ibaj bútin min iwaalewuul Hulimahu Hásuumaahu kátinaalaku.

Kata Galasi 5:2

Jijanten! Injé Fool boot min ilobuul kaanaku nokoomuu loon jikaakat min kuteyenuul búkut, kama Kilisita abajut li bukuluul jáliŋ.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Fílib 4:5

Jikaan min bukanabuku feh kuhaas májoobi buyinumabu mooluul. Amaaŋenawu muñeˈe li álaañul.

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

2 Kata Tesalonik 3:17

Injé Fool humumom ítuke li kaŋenom min ikiiculuul kulimaku unke min isaafuluul. Li kuŋenom humum ko likiicume kulimaku unke. Muñowu lílangumaasoyemuu sileetalasu súmbaam feh, muñaˈa foof likiicemuu eeno.

Filemoŋ 1:19

Injé Fool humumom ítuke li kaŋenom min ikiiculi kulimaku unke. Injé Fool humumom, fan ilaañeni. (Bale ilet li ijowi kawayil̥en kaanaku awu humumi lookonsook buloŋabu buya humum bo.)

Filemoŋ 1:9

bale haŋ majak il̥awi wah li kajawaku kata húbooliyahu, ínje humumom Fool ahallenumee, háŋum muñeˈe nan emmee foof li hukul̥ mata Yéesu Kilisita áji.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

Búhiisenumabu 1:9

Laale ínje Saŋ, ammuu atuyuul. Injé li bukuluul an ano loomaal li Yéesu Kilisita. Mó mújimuu ínje li éemi afaaluul li sílaamasu san oomaalumuu li so. Li éemi foof an ata Jáyiiyaju jata Ateemit loon bukuluul, li kahankenaku kan oomaalumuu li ko. Injé kujokonjok kújowetum kujow kukaan li étebelemukayi yan koonemuu Fatumoos, mata liwaalewaale Hulimahu hata Ateemit, ban li ilob mal̥egenamu man Yéesu áhiisumuu.