2 Kata Koolent 1:22 - Jola-Kasa

²² ban li akaan húlangumaasowahu hoola li alolaal, ban li aŋa’ foof Buyinumabu Banabaabu akaan li uyinumawu woololaal, min híis kaanaku mal̥egen fan ubajaal wahawu wan ahahenumuu boot li alolaal.

2 Kata Koolent 1:22 Referencias Cruzadas

Hulimahu Hásuumaahu loon Saŋ akiic homuu 3:33

Li mal̥egenamu, an áyinenumuu li kulimaku koola, láhihhiis kaanaku Ateemit lakankaan Ateemit alobe mal̥egen.

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Kata Lom 4:11

Muñeˈe nan fú’ tómuu, Abulaham li atey búkut min lako búhiisenum. Búhiisenumabu umbu bo bommuu húlangumaaso háhiisumuu kaanaku Ateemit lajoojok Abulaham an acole humum hata káyinenaku koola, tówum atey búkut. Muñowu Abulaham áamummuu atuubaawu ata bukanabuku feh káyinenumuu li Ateemit buko bateyut búkut, ban li ajokiil bukan kacole.

Kata Lom 8:23

Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

Kata Lom 8:9

Bukuluul jilet li buloŋ naboo li bóonowabu booluul, bale loon Buyinumabu Banabaabu bufañumuu, nokoomuu loon mal̥egen Buyinumabu bata Ateemit bumbu min bukine li bukuluul. An abajutumuu Buyinumabu bata Kilisita, anawu ummu alet ata Kilisita.

2 Kata Koolent 5:5

Ateemit akila humumool akaanumuu min wahawu unwu uyili ubajolaal, ban li asenolaal Buyinumabu boola Banabaabu min úkangumaal kaanaku fan ubajaal hubetahu hútinaalahu hata wahawu wajakaawu wan akat tomuu boot li alolaal.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

1 Kata Tesalonik 4:8

Mó mújimuu, an ahoyumuu kulimaku unku, inti an lahoye, bale Ateemit lahoye, asenuulumuu Buyinumabu boola Banabaabu.

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

Búhiisenumabu 2:17

«An áakimuu sijan, li ajanten wahawu wan Buyinumabu bulobumuu Sijanguwasu. «An ammuu aheek, fan isenool li maanayi yayolimuu. Fan isenool foof huyitik hahiite. Li huyitikahu unhu kajaw kuwunkul kukiici li ho, kan anoowan ahaasut ábute li anawu abaj homuu.»

Búhiisenumabu 7:3

Li aaniil: «Jakum jikaan majakut etaamayi, halahu li unuunukenawu, áloli bakaanolut húlangumaasowahu lí síjontumasu sata kulokaabuku kata Ateemit oololaal.»

Búhiisenumabu 9:4

Li koon bábanguulabu jakum bukajen mahosamu mata etaamayi, li unuunukenawu, li banuunuk baabu, bale bukaan majakut bukanabuku kabajutumuu húlangumaasowahu hata Ateemit li síjontumasu sooliil.