2 Kata Koolent 1:16 - Jola-Kasa

¹⁶ Ifúlummuu booluul, fan ihaaŋ boot li etaamayi yata Maseduwaan, ban li ílaañumum bó boot booluul, mantee li jilambenom li wahawu wan jokommuu li wo boot li kañaahoolaku kan ijowemuu boot li etaamayi yata Súde.

2 Kata Koolent 1:16 Referencias Cruzadas

Bakaanelabu 15:3

Ejanguwayi li elambeniil li wah wan kóotummuu kuŋa’ min kujow kañaahoolaku. Muñeˈe li kújowum Feniisi li Samali, min kunaak kukitten buu kákaanumutumuu li Ateemit balewool kútiiwomuu kúyinen li Ateemit. Nan kutuyiil feh káyinenumuu kujamumuu loon muñaˈa, li kubaj ésuumahukow yáamak.

Bakaanelabu 21:5

Bale nan jikaan tomuu kunakaku unku hutok li kúl̥uba jiban, li jilaañ jinab li bútinabu bóololi bata kañaahoolaku. Li kútiŋenoli foofiil feh buko li kuseekiil boot li bañooliil ló jijow jífu’ li ésukayi. Jíliiŋ bó, lí jíkuntuŋ li katantaku kata halahu min jil̥aw.

Kata Lom 15:26

Li mal̥egenamu, bukanabuku kata Ateemit kammuu li etaamayi yata Maseduwaan li kammuu li etaamayi yata Akaay kujoojok min kulamben bukanabuku kata Ateemit ban li kukaan kusukateen kata ésukayi yata Yeelusalem.

1 Kata Koolent 16:11

Jakum an li bukuluul abesool. Bale jilambenool min ajow kañaahoolaku koola li kásuumaay, mantee li aban li álaañul atookulom, mata ínje li kutuyolaal jumbuku li kakobool.