1 Tímote 6:14 - Jola-Kasa

¹⁴ ukaan jak loon kulimaku kan uyabumuu kulobumuu. Jakum util li ko tanootan ban jakum foof an ayili alob majakut aya li awu boot yok nan Amaaŋenawu oololaal Yéesu Kilisita ammuu li álaŋul.

1 Tímote 6:14 Referencias Cruzadas

1 Kata Koolent 1:8

Ateemit ammuu li asenuul sembe min jítuk lit boot yok li húbanumahu, jakum bil an ayili ajuk li bukuluul majakut li hunakahu nan Amaaŋenawu oololaal Yéesu Kilisita ammuu li abil.

Kata Efées 5:27

Lakankaan loon muñaˈa mata lafanfañ min aŋa’ Ejanguwayi áhiisoolo akila humool, loon anaale li matiineniyamu moola feh, mabajut humaw, mañootoolut, ban matilut foof tanootan, mantee li elako Ejangu yanabe, yan an ayilaat ajuk wah wajakut li yo.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

Kata Fílib 1:6

Líyinene li mal̥egenom kaanaku Ateemit, átoŋumuu kakaan li bukuluul bulokabu umbu bajak muñowu, fan akaan bo boot yok nan ammuu li ahabel bo li hunakahu nan Yéesu Kilisita ammuu li álaañul.

Kata Fílib 2:15

bájum li jilako bukan kan an ayilaat awataten, bukan kajake, bañiil bata Ateemit batilut tanootan hákil bukanabuku kacolutumuu li kajakutumuu kata adunaaye. Joote jiwuŋen hákil bukanabuku umbuku loon siwuutasu sammuu li emitayi.

Kata Kolos 1:22

Bale muneˈe Ateemit lájowunjowum li eketayi yata eniilayi yata Añoolool, min akaanuul jijamoo li akila humumool. Lakankaan mo mantee li abil akaanuul jiyito hákilool manabe, maakut butila banooban ban an let ayili alob majakut aya li bukuluul.

Kata Kolos 4:17

Imban li joon Alisif ajooŋoo to min akaan bulokabu jak, ban Amaaŋenawu asenoolumuu kakaan.

1 Kata Tesalonik 3:13

Ateemit ajow aliten uyinumawu wooluul mantee li jilako bukan kanabe, li bukan kan Ateemit ammuu Atuubawolaal ajukut majakut manooman li buko, nan Amaaŋenawu oololaal Yéesu ammuu li abil li bukanabuku koola feh kanabaaku.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

2 Kata Tesalonik 2:1

Muñeˈe mata élaañulayi yata Amaaŋenawu li mata huwoogahu hoololaal li akila, kutuyom, wah wano jil̥awuul:

2 Kata Tesalonik 2:8

Muñeˈe, anawu ummu átuulutumuu Ateemit fan áfulul, ban Amaaŋenawu Yéesu fan amukumool li huhuufenahu hata butumabu boola, ban li aniilenumool li máyiineniyamu moola nan ammuu li álaañul.

1 Tímote 6:20

Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

2 Tímote 4:1

Liyaaki hákil Ateemit li hákil Yéesu Kilisita ammuu li abil atiib bukanabuku kaloŋumuu li kaketumuu. Liyaaki foof li kajaw kata ebilayi yata Kilisita li kata Jáyiiyaju joola eeni:

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

Eébulo 9:28

mo foof Kilisita asenoolomuu ñano bale, alako esalah boot káfulen uhoofoolawu wata bukan kameeŋe ŋáa’. Fan abil álaŋul búl̥ubut, ban inti boot káfulen uhoofoolawu, bale boot kafaken bukanabuku kammuu li kakob élaañulayi yoola.

1 Fiyeel 1:19

bale húsimahu hatiineniyaahu hata Kilisita, ajokimuu loon ágalalaan atilut tanootan ban abajut foof humaw, húsimahu unhu ho Ateemit aŋalumuu min ahal boot li bukuluul.

1 Fiyeel 1:7

Sílaamasu unsu soonosoono to boot kayoob mantee jil̥egenl̥egen li káyinenaku kooluul. Ewúlus eyilo ekajen, bale fan kukaan yo li sambun min kujuk mantee égiiwoolut li wah ukee. Muñowu káyinenaku kooluul kóotimuu kuyoobi. Kuhaŋe matiineni éwulus, bale fan kuyoobi foof min juk mantee kul̥egenl̥egen. Muñeˈe nan Yéesu Kilisita ammuu li abil, fan jibaj kábinken, kasal li máyiineni, humum hata káyinenaku kooluul kammuu kata mal̥egen.

2 Fiyeel 2:21

Kuhaasenhaas bútinabu bata macolamu, bale li kubet búsol kulimaku kanabaaku kan kuliikeniilumuu. To untu, kama haŋeene majak boot li buko min kúhaasaati bútinabu umbu bata macolamu.

2 Fiyeel 3:14

Kutuyom kan iboolaat, wahawu unwu újimuu, li kakobaku kata hunakahu unhu, joote jikaan manooman min jilako bukan kasete, bukan kan an aatut ayili alob majakut aya li buko hákil Ateemit, ban li jibaj kajamoo li Ateemit.

2 Fiyeel 3:2

Lifañe min jiwayil̥o kulimaku kan kufulofetaku kooluul kulobumuu foof.

1 Saŋ 3:2

Kutuyom kan iboolaat, muñeˈe alolaal bañiil bata Ateemit loomaal; bale wahawu wan oomaalumuu li ubil ulakowaal, uhaasolutaal wo jak. Bale luhaasaale oonaal nan Kilisita ammuu li abil, fan unokoolaal loon akila, mata fan ujukaalool loon aanomuu.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.