1 Tímote 5:5 - Jola-Kasa

⁵ Anaale ahoke áyinool ban abajut an áami li acookoolool, li Ateemit lákangume. Let akat kal̥awool li kayaakoolool etihunaka aban ehuka min alambenool.

1 Tímote 5:5 Referencias Cruzadas

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Hulimahu Hásuumaahu loon Lík akiic homuu 18:7

Waa, Ateemit akila let atiib min akooŋen bukanabuku koola kal̥okoolewoolumuu etihunaka kuban ehuka mantee li alambeniil? Waa, fan akat to fiyo átowum alambeniil?

Hulimahu Hásuumaahu loon Lík akiic homuu 2:37

Fúlum tó, Aana li ahok áyinool ban li alako to boot yok nan abajumuu simit kúyii kubakii li sibakii. Anaakut áfu’ li Eluufayi yata Ateemit, min inaak alok boot li Ateemit etihunaka aban ehuka, li kamommo li kal̥aw ló.

Bakaanelabu 26:7

Utoŋawu kuŋen li úl̥ubaawu wata etaamayi yóololi, unaanaak uhanken min ulok etihunaka uban ehuka boot li Ateemit, min uyaakaal min ujuk hulimahu unhu han Ateemit alobumuu kakaan, li hubaj. Ban Agilifa, yaakaalayi inyu éjimuu Kusuwifaku li koon majakut likaane.

Bakaanelabu 6:1

No unnu, kúgoomaku li kuhaŋ mameeŋ. Muñeˈe Kusuwifaku káyinenumuu li Yéesu ban li kunaak kulob kugilekaay, li súumaatiyiil li Kusuwifaku kaabuku káyinenumuu li Yéesu ban li kubuki li etaamayi yata Falesitiin. Kunaanaak koon Kusuwifaku kata Falesitiin kujokut kanaalaabuku kooliil kahokumuu kúyiniil, loon kujokumuu kooliil nan kugambulenemuu hunakoohunak hutiñahu.

Bakaanelabu 9:39

Fiyeel li ayaan ánabul li buko. Nan áliiŋumuu, li kújowetumool boot li káfitaku kalakomuu haatiya eluufayi. Kanaalaabuku feh kahokumuu kúyiniil li kubil kuyito téeti Fiyeel mo kul̥okemaa. Li kúhiisool wañawu, li kújufowaku kan Dolukaas akikumuu akila li buloŋ.

Bakaanelabu 9:41

Fiyeel li átukool li kaŋen min alambenool ayito. Ban, li áhooñul bukanabuku káyinenumuu li Yéesu, li kanaalaabuku kahokumuu kúyiniil, min áŋalul Tabita áhiisiil maloŋe.

Kata Lom 1:12

Wahawu wan ifañumuu ilob, wo wommuu ibilumuu booluul, li uyiliyaal úwankulenoolumaal li káyinenaku kan ubajaalumuu foofolaal.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

1 Kata Koolent 7:32

Lifañeene min buyina banooban búfu’ li bukuluul. An ayabut fan ayinoo mata wahawu wata Amaaŋenawu. Fan aŋes min akaan Amaaŋenawu súum.

1 Kata Koolent 7:34

Muñowu buyinumool bommuu bulako li wah úl̥uba. Li manolamu, anaale abajut ánayine mantee foof ásungute, fan ayinoo mata wahawu wata Amaaŋenawu, mata fan afañ min alako an ata Amaaŋenawu li wahoowah feh wan akaane li wan ayinoole. Bale anaale ayabowe fan ayinoo foof mata wahawu wata adunaaye. Fan aŋes min akaan áyinool súum.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

1 Tímote 2:1

Boot min ijand iwankulenuul min jinaak jil̥aw Ateemit boot li bukanabuku feh, li jiyaakoolool ban li jilobool wah wan jokuul li wo, li jinaak foof jisalool.

1 Tímote 5:16

Nokoomuu loon anaale áyinene li Yéesu abaje li bukanool kanaale kahoke kúyiniil, laate alambeniil jakum bil akatiil min kulako búteb boot li Ejanguwayi, mantee Ejanguwayi li eyili elamben kanaalaabuku kahokumuu kúyiniil ban li kóomi li mal̥egen liwooniil.

1 Tímote 5:3

Ucookoo kanaalaabuku kahokumuu kúyiniil, kabajutumuu li mal̥egen kulambena.

2 Tímote 1:3

Nanoonan nan ilakowe kal̥aw etihunaka iban ehuka, fan iwayil̥oyi ban li isal Ateemit an ilokemuu boot li akila li buyinum basete, loon situubawom sihaan sinaake sikaanumuu.

1 Fiyeel 3:5

Muñowu foof kanaalaabuku kanabaaku kata naanaŋ kákangummuu li Ateemit, kunaake kúsangenoomuu ban li kunaak kútuul kúyiniil.