1 Tímote 5:19 - Jola-Kasa

¹⁹ Jakum an al̥oof anahaan ata Ejangu, li oon éehe’ li mo, mantee ló balakowe bukan kúl̥uba mantee foof kúhaaji kamaate buko baane mal̥egen.

1 Tímote 5:19 Referencias Cruzadas

Máciya 18:16

Bale ajantenutimuu, li uŋa’ an ano mantee bukan kúl̥uba, min jilaañ jijow jijukool, «bájum hulim hanoohan hammuu hulobi, li lako kuyitowa kúl̥uba mantee foof kúhaaji kumaate nan hulobimuu,» loon Hulimahu hata Ateemit hulobumuu.

Hulimahu Hásuumaahu loon Saŋ akiic homuu 18:29

Wahawu unwu újimuu águubelunaalawu Filat li áfulul atookuliil tíyaŋ. Alíiŋul, li agel̥l̥eniil aaniil: — Kama waa ánayinaawu ummu akaane, wájimuu li jil̥oofool?

Hulimahu Hásuumaahu loon Saŋ akiic homuu 8:17

Ban kikkiic li Eluwaayi yooluul kaanaku, bukan kúl̥uba kulobumuu wahawu wanolawu, wahawu unwu wan kulobumuu mal̥egen.

Bakaanelabu 11:30

Mal̥egen li kukaan loon kulobumuu, min kuboñ wahawu wan kusenumuu Balunabaas buko li Sóol kújowetum kujow kusen kunahaanaku kata Súde.

Bakaanelabu 25:16

Li eeniil kata Lom kúbeteliit an an koone majakut lakaane, li kuŋen kata kutiiba, anawu ummu báfimboolut li bukanabuku kaanumuu majakut lakaane mata min kutalen, mantee li ayili acahenoolo mata wahawu wajakutumuu wan koonumuu wo lakaane.

2 Kata Koolent 13:1

Muñeˈe búhaajutom li éemi li ibil boot booluul. Loon Hulimahu hata Ateemit hulobumuu: «Wahoowah wan an akaane wóotimuu utiibi, fan ujandaal ujantenaal bukan kúl̥uba, mantee foof kúhaaji kamaate nan ukaanimuu.» Boot min ilob bukanabuku kahoofoo nomuu li kaabuku feh ikat to.

1 Tímote 4:14

Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.

1 Tímote 5:17

Kunahaanaku kajokumuu Ejanguwayi jak, háŋum kaakumuu bútebabu bata kawaale li kaliiken bukanabuku Hulimahu, tooke min kuyab bacaam baleˈe ñál̥uba li bacaamabu ban kubajemuu.

Eleetalayi yan Fool akiicumuu Tit 1:6

Anahaan ata ejangu, an aatut ajuk majakut li akila, ban laate ayab anaale ano bale. Bañoolool boote bulako bukan káyinene li Yéesu, ban jakum an ayili awatateniil li wahoowah, mantee foof li lako kútuulut sibukoolayiil.

Eébulo 10:28

An ahuusulumuu eluwaayi, fan kumukool babajut káyiyen, ló banokoole loon bukan kúl̥uba mantee foof kúhaaji koone mal̥egen latilentilen.