1 Tímote 4:15 - Jola-Kasa

¹⁵ Ujooŋoo to min ukaan wahawu unwu feh. Usenoolo foofi feh boot li bulokabu umbu. Mo lommuu ukaan, bukanabuku feh li kujuk bulokabu ban ukaanumuu.

1 Tímote 4:15 Referencias Cruzadas

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Bakaanelabu 6:4

Bale áloli, fan jijooŋoo to li kal̥awaku li kawaaleyaku kata hulimahu hata Ateemit.

1 Kata Koolent 16:15

Manooman jihaase Sitefaan boot li butoŋool ló. Jihaase foof kaanaku li etaamayi yata Akaay, buko kujandumuu kúyinen li Yéesu Kilisita, ban li kunaak kulok boot li bukanabuku káyinenumuu li Yéesu Kilisita. Kutuyom, ínje ummu li kal̥awuul,

2 Kata Koolent 4:14

mata áloli jihaase joon Ateemit layitenuuyitenul Amaaŋenawu Yéesu li eketayi, ban fan áyitenumuloli foof li eketayi li Yéesu ló, min ákaanoli jilako tin tano li akila li bukuluul ló.

2 Kata Koolent 8:5

Wahawu wan kukaanumuu uhanhaŋ wan áloli jiyinooleenumuu. Kujanjand kusenoolo buko humumiil boot li Amaaŋenawu, ban li kusenoolo boot li áloli. Kukankaan mo loon Ateemit afañumuu.

1 Tímote 4:14

Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.

1 Tímote 4:16

Ujuke to li awu humumi li baliikenelabu booli. Uhanken to jaj. Li mal̥egenamu, ukaanumuu loon muñaˈa, fan ufakenoolo awu humumi li bukanabuku kajanteneyimuu foof.

1 Tímote 4:6

Ukittenumuu wahawu unwu feh kutuyi, fan ulako aloka ajake ata Yéesu Kilisita. Fan úhiis kaanaku li kulimaku kasenemuu káyinen li baliikenelabu bata mal̥egenamu ban unabumuu li bo jak, lúkuumenumi.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.