1 Tímote 3:7 - Jola-Kasa

⁷ Laate foof alako an, an bukanabuku káyinenutumuu li Yéesu kulobe majake kuya li akila, jakum bil ésukayi ebesool, mantee foof li alo li embaalayi yata Sayitaane.

1 Tímote 3:7 Referencias Cruzadas

Maak 4:11

Yéesu li aaniil: — Bukuluul, Ateemit lakaanuukaan min jihaas wahawu wahaasutimuu wata Jáyiiyaju joola. Bale bukan kaabuku buko fan kújamum wahawu feh li bukittenoolum,

Bakaanelabu 10:22

Kánayinaabuku li koonool: — Li kajawaku kata anahaanawu ata kusollaaliyaku an koonemuu Kooluney, jibilume. Lakankaan an acole, ákoliye Ateemit ban Kusuwifaku feh kulobelob majake kuya li akila. Amalaka ata Ateemit aane Kooluney áboñul bukan kubil kooni ujow boot boola, min ajanten kulimaku kan ommuu li ulobool.

Bakaanelabu 22:12

«Li baj li ésukayi inyu ánayine akee an koone Ananiyaas. Ananiyaas li akaan an áyinene ŋáa’, ban li anab li eluwaayi feh kata Damaas li kunaak kulob majake bale kuya li akila.

Bakaanelabu 6:3

Wahawu unwu újimuu, kútuyoli, jil̥us li bukuluul kánayine hutok li kúl̥uba. Fan kulako bukan kan ésukayi éwooluwe, bukan kan Buyinumabu Banabaabu bóomi li buko ŋáa’, ban li kújallo, min ukataaliil bulokabu umbu.

1 Kata Koolent 10:32

Baloŋelabu booluul jakum búji bukan li kulo li kahoofoo, lako kusuwif, mantee bukan kalet kusuwif, mantee foof bukanabuku kata ejanguwayi yata Ateemit.

1 Kata Koolent 5:12

Li mal̥egenamu, inti ínje éemi li itiib bukanabuku káyinenutumuu li Yéesu. Bale bukanabuku kan jibajumuu káyinen kano, bukuluul humumuul jóotimuu jitiibiil.

2 Kata Koolent 6:3

Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi.

2 Kata Koolent 8:21

Li mal̥egenamu, káyinoololi feh ko kommuu huŋes min jikaan wahawu wajakumuu, inti hákil Amaaŋenawu bale, bale foof hákil bukanabuku.

Kata Kolos 4:5

Jiloŋ li bújallo ló hákil bukanabuku káyinenutumuu li Kilisita. Nanoonan nan jiyilo jikaan majake, li jikaan mo.

1 Kata Tesalonik 4:12

Jikaan momuu, bukanabuku káyinenutumuu li Yéesu fan kuluukenuul, ban let jíloŋum li kuŋen bukan.

1 Kata Tesalonik 5:22

ban li jitey wahoowah feh wajakut.

1 Tímote 3:6

Jakum anahaan ata ejangu alako an akite li áyinen li Yéesu, letumuu mo, fan abil ateben ubandool min abaj katek loon kata Sayitaane.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

1 Tímote 6:9

Bale bukanabuku kafañumuu min kulako kusaanum, fan kulo li jabunt. Jabuutoolaju jata kásiibo kameeŋe kata bul̥uuhoo ban kujakut, fan kujokiil. Kásiibowaku unku kuniilenemuu ban li kújimen bukanabuku umbuku.

2 Tímote 2:26

min kubaj uyinum, ban li kufak li simbaalasu san Sayitaane aŋammuu min ajokiil akat to, ban li akaaniil kukaan loon okila humumool afañumuu.

Eleetalayi yan Fool akiicumuu Tit 2:5

Kusaabiil min kubaj uyinum, min foof kulako kanaale káteyiliit kunab li kánayine, kulako kanaale kayilo kaaken siluufiil jak, ban li kulako bukan kajake, kútuule kúyiniil, jakum bil an alob kulim kajakut aya li hulimahu hata Ateemit.

Eleetalayi yan Fool akiicumuu Tit 2:8

Kulimaku kuya koote kulako kulim kacole kan an ayilaat áhoogul, bájum kulatoolayi jakum kulob kulim kajakut kuya li alolaal, min kubaj ñisuu.

3 Saŋ 1:12

Bale Démetiliyus ésukayi feh elollob majake eya li akila, ban mal̥egenamu mammuu li akila mujukijuk li buloŋabu boola. Alóli húmumoli foof jilollob majake jiya li akila, ban luhaase oon áloli wahawu wan jilobemuu mal̥egen.