1 Tímote 3:2 - Jola-Kasa

² Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 3:2 Referencias Cruzadas

Hulimahu Hásuumaahu loon Lík akiic homuu 1:6

Buko kúl̥uba feh kukankaan bukan kacole hákil Ateemit, imban kútuttuul jak siluwaasu feh li kulimaku feh kata Amaaŋenawu.

Hulimahu Hásuumaahu loon Lík akiic homuu 2:36

Li baj no foof afulofet anaale. Kajawool Aana. Aana alakomuu ásungutaawu ata Fanuwel, li ebukiinayi yata Aseel. Lahallenhanlen ŋáa’. Lakine li áyinool ayaboomuu akila ásungutaawu, simit soono hutok li síl̥uba.

Kata Lom 12:13

Jilamben bukanabuku kata Ateemit kan jokiilumuu li wah, ban li jinaak jiyab bukan booluul.

Kata Fílib 2:15

bájum li jilako bukan kan an ayilaat awataten, bukan kajake, bañiil bata Ateemit batilut tanootan hákil bukanabuku kacolutumuu li kajakutumuu kata adunaaye. Joote jiwuŋen hákil bukanabuku umbuku loon siwuutasu sammuu li emitayi.

1 Tímote 3:12

Ajaak anoowan laate abaj anaale ano, ban laate foof ayili ajok bañoolool li butoŋool jak.

1 Tímote 3:8

Kujaakulaku foof koote kulako bukan, kan ésukayi esuuwe ban jakum kulako bukan káhoolowe. Jakum kulako bukan kákaliyenoole, mantee foof bukan kaweelowe li sídalam.

1 Tímote 4:3

Bukanabuku umbuku kúhilehi’ ésukayi éyabowum, ban li kúhiliil foof kutiñum mutiñaay mukee. Ban Ateemit láwuwenwuwen mutiñaayamu ummu, mantee káyinenumuu li akila, kahaasumuu mal̥egenamu, li kul̥awool ban li kusalool min kutiñ mo.

1 Tímote 5:10

Laate áhaasumi li bakaanelool bajake: ágoocul bañoolool jak, li ayab ejawoola boola jak, li afos kootaku kata káyinenumuu li Yéesu, li alamben bukanabuku kammuu li sílaam ban li ahanken li kakaan wahoowah feh wajake.

1 Tímote 5:22

Jakum usommen uŋa’ kuŋeni uwalen li an, jakum uŋa’ butumi ukaan li kahoofoo kata an. Ukaan awu humumi min ulako an anabe.

1 Tímote 5:9

Boot min anaale ahoke áyinool acobi li kanaalaabuku kahokumuu kúyiniil, anaalaawu ummu laate abaj simit kúyii kúhaaji, ban li alako anaale ayabowe li ánayine ano bale.

2 Tímote 2:24

Ban aloka ata Amaaŋenawu aatut ámuy li an, bale laate ásuum li bukanabuku feh, ban li ayili aliikeniil hulimahu li ayili foof ámuñ kulimaku kajakutumuu.

Eleetalayi yan Fool akiicumuu Tit 2:2

Ulob kánayinaabuku kahallenumuu ooniil kootut kuwuuhen li wahoowah. Koote kulako bukan kasuuneniye, bukan kabaje uyinum, kalite li káyinenaku, li húbooliyahu ban li kuhanken to jaj.

Eébulo 13:2

Jakum jimojen kayab bukan booluul. Li mal̥egenamu, kukee li bukuluul kakaan momuu, kuyayyab booliil emalaka buko bahaasut.

Eébulo 3:14

Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

1 Fiyeel 4:9

An abilumuu booli li uyabool jak, bámummunoolut.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.