1 Tímote 3:13 - Jola-Kasa

¹³ Kujaakulaku kakaanemuu bulokabu booliil jak anoowan laluukeniiluuken, ban kuyilo kulob li kabaneyiil feh mata káyinenaku kan ubajaalumuu li Yéesu Kilisita.

1 Tímote 3:13 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 25:21

Anahaanawu oola li aanool: “Jaajak, lukankaan aloka ajake an an ayilo ákangum li okila. Lútuutuk jak wah watit. Muñeˈe fan iseni wah wahaŋe maluuk ooken. Ubil ulako li ésuumansuum loon ínje.”

Hulimahu Hásuumaahu loon Lík akiic homuu 19:17

Ayíiyawu li aanool: “Jaajak, lukankaan aloka ajake. Emmuu lukankaan jak li wahawu watitawu wan eenimuu ukaan, muñeˈe boot min ikaani ulako anahaan ata sísuk soono kuŋen.”

Bakaanelabu 21:35

Nan Fool aŋejumuu tin sikabilikabasu, kusollaaliyaku li kukomen kutebool mata búsukabu bunaanaak butuntuññenul li sembe.

Bakaanelabu 6:15

Muñeˈe bukanabuku feh kalakomuu li Hujojahu háamakahu, li kuŋa’ kúkiliil feh kuya li Ecen. Li kujuk koon buulabu bata Ecen bunokoonokoo loon bata amalaka.

Bakaanelabu 6:5

Kulimaku unku kan kufootalaku kulobumuu, li kúsuum ŋáa’ búsukabu feh balako tomuu li bajojabu. Muñeˈe li kul̥us Ecen, alakomuu an ata káyinen li an an Buyinumabu Banabaabu bulakowe li akila ŋáa’. Li kul̥us foof Fílib li Fulokool, Nikanool li Timoŋ, Falimenaas li Nikola áfulumulomuu li ésukayi yata Antiyok, ban li áyineneen no li bútinabu bata kusuwifaku tówum áyinen li Yéesu.

Bakaanelabu 6:8

Emmuu Ecen lababbaj káji káamak hákil Ateemit li sembe, li anaak akaan wah wájaahaleniye ŋáa’ li búhiisenum báamak hákil ésukayi.

1 Kata Koolent 16:15

Manooman jihaase Sitefaan boot li butoŋool ló. Jihaase foof kaanaku li etaamayi yata Akaay, buko kujandumuu kúyinen li Yéesu Kilisita, ban li kunaak kulok boot li bukanabuku káyinenumuu li Yéesu Kilisita. Kutuyom, ínje ummu li kal̥awuul,

Kata Fílib 1:14

Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.

1 Kata Tesalonik 2:2

Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.

1 Tímote 3:14

Tímote, likiiculikiic kulimaku unke li kákangum ló kaanaku fan ibil ínabenuli, ban let fiyo.

2 Tímote 2:1

Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.