1 Tímote 2:8 - Jola-Kasa

⁸ Lifañe kama tanootan feh, kánayinaabuku li kuteb kuŋeniil kanabe min kul̥aw, ban jakum kukaan mo li etindihuuñ ló mantee foof li búñakoo kulim ló.

1 Tímote 2:8 Referencias Cruzadas

Máciya 21:21

Yéesu li aaniil: — Li mal̥egenamu fan ilobuul, jibajeenumuu káyinen ban jíwettoolut, let mantee fan jiyili jikaan wahawu wan ikaanumuu bul̥el̥uwabu umbu bale. Bale fan jiyili foof joon huyuuyahu unhu, «Uyinno taatu ujow ulo li husamuwahu,» fan hukaan mo.

Máciya 5:44

Bale ínje li eenuul, jifañ kulatoolawuul, ban li jil̥aw boot li kálaatenewuulumuu.

Máciya 6:12

Ban li ubonket bafetabu bóololi loon jibonketemuu foof kafetemuu li óloli.

Hulimahu Hásuumaahu loon Lík akiic homuu 23:34

Muñeˈe Yéesu li aan: — Faafa, ubonketiil, mata kuhaasut waa kukaane li wo. Kusollaaliyaku li kuñak kútuken min kugaboo wañawu woola.

Hulimahu Hásuumaahu loon Lík akiic homuu 24:50

Fúlum tó, Yéesu li ájowetum kúgoomaku koola kúfu’ li ésukayi, kujow kulehen ésukayi yata Betani, kúliiŋ, li ateb kuŋenool min ásooniyeniil.

Hulimahu Hásuumaahu loon Saŋ akiic homuu 4:21

Yéesu li aanool: — Alíinom, úyinen lí ínje, taŋayi inyu li ebil nan an aatutumuu amanen Atuubaawu li huyuuyahu unhu, mantee foof Yeelusalem.

Bakaanelabu 10:2

Kooluney lakankaan an áyinene ban li ákoli Ateemit, okila li butoŋool. Lanaanaak alamben ŋáa’ kusukateenabuku kata kusuwifaku, ban li anaak al̥aw nanoonan Ateemit.

Bakaanelabu 10:31

Li aanom: «Kooluney, Ateemit layayyab kal̥awaku kooli ban amojenut kalambenaku kan ulambenemuu kusukateenabuku.

Bakaanelabu 10:4

Kooluney li ajuke amalakaawu li ekole ló ban li aanool: — Waa ubaje, Amaaŋen? Amalakaawu li aanool: — Ateemit layayyab ul̥awawu wooli, ban súumoosuum li kalambenaku kan ulambenemuu kusukateenabuku. Amojenuti.

Bakaanelabu 21:5

Bale nan jikaan tomuu kunakaku unku hutok li kúl̥uba jiban, li jilaañ jinab li bútinabu bóololi bata kañaahoolaku. Li kútiŋenoli foofiil feh buko li kuseekiil boot li bañooliil ló jijow jífu’ li ésukayi. Jíliiŋ bó, lí jíkuntuŋ li katantaku kata halahu min jil̥aw.

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 7:7

Li mal̥egenamu, lifañeene min bukanabuku feh kunokoo loon ínje, bale anoowan labaje káji humum ko kan Ateemit asenool. Aahe káji kaake, aaha káji kaaka.

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

Kata Fílib 1:12

Kutuyom, lifañe min jihaas kaanaku wahawu wabajommee, újiji li mal̥egenamu Hulimahu Hásuumaahu li huhaŋ majamo.

1 Kata Tesalonik 1:8

Li mal̥egenamu, hulimahu hata Amaaŋenawu booluul húfulummuu. Ban inti li etaamayi yata Maseduwaan li yata Akaay bale hujami. Bale kaciimanciimaku kata káyinenaku kooluul li Ateemit kujamijam foof tanootan. Mó lí múji laañut jókoli min jilob mata ko.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 10:22

Ulohaal kama Ateemit li buyinum bal̥egene, ban li káyinen ló káliiŋe, li ésigil yaseteni li kahoofoo kanookan kabilumulo li kayinoo kajakut, ban eniilayi li efosi li mal masete.

Saak 4:8

Jilohumuu Ateemit, fan alohuul. Jifos kuŋenuul, kuhoofoolaabuke! Jicolen uyinumuul, bukuluul játukutumuu li wah wano.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.