1 Tímote 1:9 - Jola-Kasa

⁹ Uhaasaal wahawu unwe: eluwaayi ekaanuti boot li bukan kakaane majake, bale ekaanikaan to boot li kákaanikoolemuu li kákaaneliitumuu loon elobumuu. Ekaanikaan to boot li kákoliwutumuu Ateemit li kuhoofoolaaku, boot li bukanabuku kaluukenutumuu Ateemit li wahawu wanabaawu. Ekaanikaan to foof boot li kamukemuu situubayiil mantee foof sijaawiil, boot li kumuka bukan.

1 Tímote 1:9 Referencias Cruzadas

Máciya 10:21

«An fan abet atuyool li kuŋen bukan min kumukool. Atuuba fan akaan manolamu añoolool. Bañiilabu fan buyito butiiken sibukoolayiil, ban li bubetiil li kuŋen bukan min kumukiil.

Kata Lom 1:30

Li baj li buko kúloboo, ban li koono kulatoola kata Ateemit. Li kuwel utum, li kuteben ubandiil, ban li kunaak kusaloolo, ban li kuyili kajuul̥ bakaane bajakut. Kútuuleliit sibukoolayiil.

Kata Lom 4:13

Ateemit lansaan fan asen Abulaham li bubukoolumabu boola, adunaayi kutowo. Min Ateemit alobumuu kasen Abulaham adunaayi, lakowut mata lakankaan loon eluwaayi elobumuu, bale lakolako mata Ateemit lajokoojok an acole humum hata káyinenaku koola.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

Kata Lom 6:14

Li mal̥egenamu, kahoofoolaku kootut kubaj sembe li bukuluul, mata muñeˈe bukuluul jilet li kuŋen kata eluwaayi, bale li kájiyaku kata Ateemit joom.

Kata Galasi 3:19

Kama wáa újiye eluwaayi li ebaj? Eluwaayi efamenifamen to humum hata uhoofoolawu. Ban yoote elako to boot yok nan anawu ammuu li abuki li kalandaku kata Abulaham ammuu li abil, an Ateemit alobumuu kasenaku kata wahawu. Eluwaayi inyu Ateemit asen yo kumalaka kusen Móyiis boot li bukanabuku.

Kata Galasi 5:18

Bale nokoomuu loon Buyinumabu Banabaabu bucolencolen buloŋabu booluul, jilet kama li kuŋen kata eluwaayi.

Kata Galasi 5:21

kásiibo wah, kákaliyenoo, kawuuhen, li wahawu feh wanokoomuu li wo. Boot min ilobuul ikat to, loon ilobeenuulumuu, bukanabuku kakaanemuu wahawu unwu, let kutowo Jáyiiyaju jata Ateemit.

Kata Galasi 5:23

kájoobi buyinum, li hujokoo. Wahawu unwu feh, eluwaayi éhilut wó.

2 Kata Tesalonik 2:8

Muñeˈe, anawu ummu átuulutumuu Ateemit fan áfulul, ban Amaaŋenawu Yéesu fan amukumool li huhuufenahu hata butumabu boola, ban li aniilenumool li máyiineniyamu moola nan ammuu li álaañul.

1 Tímote 4:7

Uhoy ukoŋawu wákaaneliitumuu bukan kúyinen li Yéesu Kilisita, wammuu wata siñaakanasu saalaasu. Ukankaanoo min unaak útuul Ateemit.

1 Tímote 6:20

Tímote, ujok jak wahawu wan Ateemit asenimuu ooken. Utey elobayi yameeŋaayi yákaaneliitumuu bukanabuku kútuul Ateemit, li búceeŋoo mata wahawu wan kukee kúmalumuu koon laalu ehaasemiñ.

2 Tímote 2:16

Utey elobayi yameeŋaayi yabajutumuu jáliŋ, yákaaneliitumuu bukanabuku kútuul Ateemit. Li mal̥egenamu, kalobemuu silobasu unsu kuhaŋehaŋ máloyi Ateemit.

2 Tímote 3:2

Bukanabuku fan kunaak kuyinoo mooliil bale, ban li kufañ sídalam. Fan kunaak kusaloolo ban li kutebenoolo. Fan kunaak kugel Ateemit, ban let kútuul sibukoolayiil. Let an akaaniil wah wajake li kusalool, ban let kuluuken wah wata Ateemit.

Eleetalayi yan Fool akiicumuu Tit 1:10

Li mal̥egenamu, baje bukan kameeŋe, háŋum li kusuwifaku, kahoye bakaan loon hulimahu hata mal̥egenamu hulobumuu, ban li kunaak kubunt bukanabuku li búwonnoolabu booliil babajutumuu jáliŋ.

Eleetalayi yan Fool akiicumuu Tit 1:16

Fan koon kuhaase Ateemit, bale bakaanelabu booliil bunaboolut li wahawu wan kulobumuu. Kujakut majak, kútuulut Ateemit maayeet ban kuyilaat kukaan wahoowah wajake.

Eleetalayi yan Fool akiicumuu Tit 1:6

Anahaan ata ejangu, an aatut ajuk majakut li akila, ban laate ayab anaale ano bale. Bañoolool boote bulako bukan káyinene li Yéesu, ban jakum an ayili awatateniil li wahoowah, mantee foof li lako kútuulut sibukoolayiil.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Eébulo 11:31

Káyinen kújimuu Lahab, anaake áfulomuu li aletalet, aketoolut li bukanabuku kátuulutumuu Ateemit, mata layayyab li kásuumaay bukanabuku kajowumuu kujukul etaamayi.

Eébulo 12:16

Jíkaanum, jakum baj an li bukuluul áfulowe li aletalet mantee foof an ákaanumut wahawu wáñeyimuu wata Ateemit, loon Esáyii an hutiñ ñano bale hújimuu li aŋa’ huhaanaahu hoola hata añiil átinaa anoomen.

1 Fiyeel 2:7

Huyitikahu unhu hubabbaj jáliŋ yáamak boot li bukanabuku káyinenumuu, bale boot li bukanabuku káyinenutumuu: «Huyitikahu han bukanabuku kalakomuu kateefaku kuhoyumuu, ho hubile huhaŋumuu mabaj jáliŋ.»

1 Fiyeel 3:20

Uyinumawu unwu wajenkimuu wo wommuu bukanabuku kahoyumuu naanaŋ báyinen li Ateemit, nan alakomuu kakokkobenaku li húmuñ ló, li taŋayi nan Nówe alakomuu kakaanaku kata busaanaabu báamakabu. Bukan kafamut, koono hutok li kúhaaji, kunokenumuu li busaanaabu min kúfakum li malamu.

1 Fiyeel 4:18

Loon Bakiicelabu bulobumuu: «Séngimuu ŋáa’ min an acole afakeni, buu eete nokoo li an ál̥afute, li ahoofoola?»

Eleetalayi yan Súd akiicumuu 1:15

boot batiib bukanabuku feh, min akaan bukanabuku feh kátuulutumuu Ateemit kúnaanum kaanaku fan kúbajum katek li bújakaatiyabu booliil li wahawu feh wajakutumuu wan kukaanumuu, li kulimaku feh kajakutumuu kan kuhoofoolaabuku umbuku kátuulutumuu Ateemit kulobumuu kuya li akila.»

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.