1 Tímote 1:5 - Jola-Kasa

⁵ Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 1:5 Referencias Cruzadas

Máciya 12:35

An ajake, li buyinumool bajake lálobume kulim kajake. An ajakut, li buyinumool bajakut lálobume kulim kajakut.

Máciya 5:8

Awólo, kaŋalumuu kayinooliil feh kukaan li Ateemit, mata fan kubil kujuk Ateemit.

Bakaanelabu 15:9

Ateemit ajokutiil kúbuti li alolaal, mata li káyinen lágiilenummuu uyinumawu wooliil.

Bakaanelabu 23:1

Muñeˈe Fool li ajuke bukanabuku kata hujojahu súy aban li aaniil: — Kutuyom, li buyinumom ifetut min éemimuu li bulok boot li Ateemit boot yok síyaat.

Bakaanelabu 24:16

Mó mújimuu, li eeno nanoonan li kahanken min ikaan buyinumom jak hákil Ateemit li hákil bukanabuku.

Kata Lom 10:4

Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.

Kata Lom 12:9

Jíbooliwoo li mal̥egen. Jitey majakut, ban kayinooluul feh li kulako kakaan majake.

Kata Lom 14:15

Uyokenumuu atuyi humum hata wahawu wan awu útiñemuu, ulet li káhiisool húbooli. Jakum wah wan utiñe bale újiyi li újimen an an Kilisita akete boot li akila.

Kata Lom 9:1

Fan ilob mal̥egen li kajaw kata Kilisita, ilet li ímal. Buyinumabu búmbaam banabumuu li Buyinumabu Banabaabu, bulobonlob kaanaku wahawu wan ilobumuu mal̥egen.

1 Kata Koolent 13:1

Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

1 Tímote 1:18

Añoolom Tímote, kulimaku unke lifañumuu min iseni. Kunaboonaboo li kan kufulofetaku kulob nomuu kuya li awu. Ujówum li kulimaku unku min utaj bútajabu bajakaabu,

1 Tímote 1:19

li káyinenaku ló ban li buyinum babahe. Bukan kukee kuhoohoy kujanten uyinumawu wooliil, mó lí múji káyinenaku kooliil li kújim.

1 Tímote 3:9

Koote kujok jak mal̥egenamu man Ateemit áhiisumuu ban li úyinenaal li mó li buyinum bajake.

2 Tímote 1:3

Nanoonan nan ilakowe kal̥aw etihunaka iban ehuka, fan iwayil̥oyi ban li isal Ateemit an ilokemuu boot li akila li buyinum basete, loon situubawom sihaan sinaake sikaanumuu.

2 Tímote 1:5

Liloŋe li iwayil̥o káyinenaku kata mal̥egen kan ubajumuu. Káyinenaku unku kujanjand kulako li jaawi ahaan Lóyis, li jaawi Oónis humumool. Ban lihaase een ko foof kommuu li awu.

2 Tímote 2:22

Utey kásiibowaku kata húfuletowahu. Uŋes macole, káyinen, húbooli, li kásuumaay li bukanabuku feh kahooñemuu kajawaku kata Amaaŋenawu li buyinum basete.

Eleetalayi yan Fool akiicumuu Tit 1:15

Wahoowah feh useeset boot li bukanabuku kanabumuu. Bale bukanabuku kasikomuu ban li kuhoy báyinen, boot li buko bajut wah wasete, mata butuukowabu booliil busikosiko, uyinumawu wooliil foof li usiko.

Eébulo 10:22

Ulohaal kama Ateemit li buyinum bal̥egene, ban li káyinen ló káliiŋe, li ésigil yaseteni li kahoofoo kanookan kabilumulo li kayinoo kajakut, ban eniilayi li efosi li mal masete.

Eébulo 13:18

Jinaak jil̥aw boot li áloli. Alóli jíwooluwe kaanaku jibabbaj buyinum basete, mata jifañe min jiloŋ buloŋ bajake li wahoowah feh.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

Saak 4:8

Jilohumuu Ateemit, fan alohuul. Jifos kuŋenuul, kuhoofoolaabuke! Jicolen uyinumuul, bukuluul játukutumuu li wah wano.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 3:16

Bale joote jilobiil mata káyinenaku kooluul li buyinum bájoobiye li ekole ló, ban foof li buyinum basete, bájum tan kúloboolewuulumuu loon eenimuu bukuluul bukan kajakut joom, li kujuk baloŋelabu booluul bajakaabu ban jibajumuu li Kilisita, li kusuu.

1 Fiyeel 3:21

Laalu búhiisenum bata kábatiisaaku kafakenuulumuu muñeˈe. Kábatiisaaku unku kulet kata kúfulen ñikonañu ñata eniilayi, bale kata kasenoolo boot li Ateemit li buyinum bajake. Li kufakenuul humum hata kayitowulaku kata Yéesu Kilisita li eketayi.

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

2 Fiyeel 1:7

Jiŋa’ batuyaaya jifamen to li kákoli Ateemit, li jiŋa’ húbooli jifamen to li batuyaaya.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.