1 Tímote 1:3 - Jola-Kasa

³ Lifañe min ulako li ésukayi yata Efées loon ilobimuu nan ilakomuu li ijow boot Maseduwaan. Baj to bukan kaliikene ésukayi kulim kanaboolut li káyinenaku koololaal. Oon bukanabuku umbuku kukat.

1 Tímote 1:3 Referencias Cruzadas

Bakaanelabu 18:19

Muñeˈe li kujow boot Efées kúliiŋ, Fool li akat to Filisila buko li Akilaas, min ajow anoken li eluufayi yata kal̥awaku.

Bakaanelabu 18:21

Li akatiil to min alako li ajow, li aaniil: — Súumumuu li Ateemit, fan ílaañul hunak hakee ijukuul. Ban li ájufowum li ésukayi yata Efées li ébato awuj.

Kata Lom 15:26

Li mal̥egenamu, bukanabuku kata Ateemit kammuu li etaamayi yata Maseduwaan li kammuu li etaamayi yata Akaay kujoojok min kulamben bukanabuku kata Ateemit ban li kukaan kusukateen kata ésukayi yata Yeelusalem.

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

Kata Fílib 2:24

Hiitonhiit kaanaku Amaaŋenawu muñeˈe fan akatom min ibil ínje humumom ijukuul.

1 Tímote 4:11

Ulob bukanabuku feh kulimaku unku ban li uliikeniil ko.

1 Tímote 4:6

Ukittenumuu wahawu unwu feh kutuyi, fan ulako aloka ajake ata Yéesu Kilisita. Fan úhiis kaanaku li kulimaku kasenemuu káyinen li baliikenelabu bata mal̥egenamu ban unabumuu li bo jak, lúkuumenumi.

1 Tímote 5:7

Wahawu unwe lóotimuu ulobiil jakum bil an awatateniil li wahoowah.

1 Tímote 6:10

Li mal̥egenamu, efañ sídalam huhaa’ hata majakut manooman. Kukee síibiisiib kubaj sídalam bil gay, li kúloyi káyinenaku min kukaanoolo buko humumiil sílaam sameeŋe.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

1 Tímote 6:3

Nokoomuu loon an akee aliikene wah wábuto, min akat bo kulimaku kata mal̥egen kata Amaaŋenawu kammuu baliikenelabu bakaanemuu bukanabuku kútuul Ateemit,

2 Tímote 1:18

Amaaŋenawu ajow akaan min Ateemit ásuum li akila li hunakahu hata Batiibabu. Luhaase foof jak buu lalambenommuu eeno li ésukayi yata Efées.

2 Saŋ 1:7

Kúmalamiñ kameeŋe kuyiisoole kujow koono tanootan li adunaayi. Kuhoohoy koon Yéesu Kilisita labiibil min alako mal̥egen an. An loon muñaˈa okila ammuu ámalamiñ. Okila ammuu Alatoolaawu ata Kilisita.

Búhiisenumabu 2:14

Bale baje wah wan eete iwatateni mata wo: lubaje booli bukan kanabe li kulimaku kata Balam, alobumuu Balak buu lammuu abuutoo kata Isilayeel min kutokoñ eliw yawaaseni, li buu kommuu kunaak kúfulo bo muñaˈa.

Búhiisenumabu 2:20

Bale libaje wah wan eete iwatateni mata wo: lukaakat anaalaawu an koonemuu Jesabel, ámalemuu aan afulofet laam, min ájimen kulokaabuku kúmbaam. Li kulimaku kan aliikenemuu ésukayi labuntumiilumuu min kunaak kúfulo bo muñaˈa, li kunaak kutokoñ eliw yata sínuukuleŋ sawaaseni.