1 Tímote 1:17 - Jola-Kasa

¹⁷ Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

1 Tímote 1:17 Referencias Cruzadas

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 5:44

Kama buu emmuu nokoo li jiyili jíyinen, bukuluul jan emmuu búsaloo bale jifañe, ban let jiŋes kasal kabilumulo li Ateemit balewool?

Kata Lom 1:20

Li mal̥egenamu, kábilum nan Ateemit ajuul̥umuu adunaayi, majakamu moola májukoliitimuu, sembaasu soola saano tomuu boot nanoonan, li min aanomuu Ateemit, wahawu unwu feh ujukijuk set. Bukanabuku kuyilo kuŋa’ bújallowiil min kúnaanum wo li wahawu feh wan Ateemit akaanumuu. Wahawu unwu újimuu, kuyilaat kubaj bakooŋ li wahawu wan kukaanumuu.

Kata Lom 1:23

Kúmaneneliit máyiineniyamu mata Ateemit áketeliitumuu, min buko kunaak kumanen kambu kata bukan kaketemuu, kata basuu, kata bánuukuleŋ li kata sinuukayila.

Kata Lom 11:36

Li mal̥egenamu, wahawu feh li akila ubilume, li akila úloŋume, ban boot li akila humumool. Máyiineniyamu mujow mulako mata Ateemit boot nanoonan! Aameen.

Kata Lom 16:27

Usalaal Ateemit ájallomuu balewool. Máyiineniyamu mujow mulako moola boot nanoonan humum hata Yéesu Kilisita! Aameen.

Kata Lom 2:10

Bale Ateemit fan asen máyiineniyamu, kábinkenaku, li kásuumaayaku anoowan akaane majake, kítum li kusuwifaku ban kit kaletumuu kusuwif.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Kolos 1:15

Kilisita ammuu kambuwaku kata Ateemit ájukeliitimuu, okila ammuu añiilawu anolawu ata Ateemit, ban to lalakowe tówum wahoowah feh úwuweni, ban foof lahaŋ wo feh.

Eébulo 11:27

Káyinen kújimuu Móyiis li áfu’ li etaamayi yata Ejíf, bákoliwut etindihuuñayi yata áyiiyawu. Li átuk lit loon eenimuu lajuujuk Ateemit ájukeliitimuu.

Eébulo 2:7

Lukankaan min kumalakaaku kufan kuhaŋ ál̥ahukowan jakee; li ukaanool abaj máyiineni li kasal.

1 Fiyeel 5:11

Sembaasu sijow silako li akila boot nanoonan! Aameen.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 4:12

Bajut an abile ajuk Ateemit. Bale úbooliwoolaalumuu, Ateemit fan alako nanoonan li alolaal ban húbooliyahu han ábooliwolaalumuu fan hujow boot to.

Eleetalayi yan Súd akiicumuu 1:25

Máyiineniyamu li húyiiyetowahu, sembaasu li huhaanaahu, wahawu unwu feh ujow ulako li Ateemit anolawu, áfakenumolaamuu li Yéesu Kilisita ammuu Amaaŋenawu.

Búhiisenumabu 15:3

Li kunaak kukijen kakijenaku kata Móyiis, ammuu alokaawu ata Ateemit li kakijenaku kata Agálalaanawu koon: «Amaaŋen Ateemit ata sembe, mo balokelabu booli buluuke ban li bújaahaleni ŋáa’! Awu ommuu Ayíiyawu ata bukanabuku kata sihetasu feh, mo makaanelamu mooli mucole ban li mulako mal̥egen!

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»

Búhiisenumabu 19:1

Fúlum tó, li ijam li emitayi hulim habaje sembe, hanokoole loon húcuh hata búsuk báamak. Hulimahu li hunaak hoon: «Aleluuya! Ateemit oololaal akile kafakaku, li kasalaku li sembaasu!

Búhiisenumabu 19:16

Kajaw laake kakiici li hukaafaahu li huboŋahu hoola. Kajawaku ko kommuu unke: «Ayíiyawu ata kúyiiyaku li Amaaŋenawu ata kumaaŋenaku.»

Búhiisenumabu 19:6

Fúlum tó, li ijam hulim hanokoole li húcuh hata búsuk báamak. Li hunaak huwel loon kácololen kata mal máamak, loon foof kawel kata kufalajaj kabaje sembe. Hulimahu hunaake hoon: «Aleluuya! Mata Amaaŋenawu Ateemit oololaal ata sembe, ummu li Jáyiiyaju joola!

Búhiisenumabu 7:12

koon: «Aameen! Ateemit oololaal laate amaneni, Okila akilumuu máyiineniyamu li bújallowabu. Usalaalool ban li úbinkenaalool. Lababbaj sembaasu ban li akaan Ateemit ata sembe boot nanoonan. Aameen!»