1 Tímote 1:15 - Jola-Kasa

¹⁵ Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

1 Tímote 1:15 Referencias Cruzadas

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 18:11

Mata Añool-An labiibil boot kafaken bukanabuku kájimumuu.

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 9:13

Jijow jiŋes min jihaas waa Ateemit afañe alob li hulimahu unhe: «Inti usila sínuukuleŋ lifañe, bale lifañe min jinaak jíyiyen bukanabuku.» Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Maak 2:17

Muñeˈe nan Yéesu ajamiilumuu li kulob loon muñaˈa, li aaniil: — Inti bukan kásomutut joke li abuntena, bale kásomutumuu joke li abuntena. Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Hulimahu Hásuumaahu loon Lík akiic homuu 15:2

Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis súumutiil. Li kunaak koon: — Anáyinaawu ummu layabeyab jak kuhoofoola, ban li anaak atiñ dín dáno li buko.

Hulimahu Hásuumaahu loon Lík akiic homuu 19:10

Mata Añool-An labiibil huŋes li kafaken bukanabuku kájimumuu.

Hulimahu Hásuumaahu loon Lík akiic homuu 5:32

Ibilut kahooñ bukan kayinoole li koon buko bukan kacole koom, bale kuhoofoola libile kahooñ, mantee li kútiiwo kuŋa’ buloŋ buwunkul.

Hulimahu Hásuumaahu loon Saŋ akiic homuu 1:12

Bale bukanabuku feh kayab homuu, yo yommuu kúyinenumuu li ho, li huseniil bútin min kulako bañiil bata Ateemit.

Hulimahu Hásuumaahu loon Saŋ akiic homuu 1:29

Li líiŋ hunak hukaten, Saŋ li ajuk Yéesu akila li ebil ájooŋoolul li akila. Li aan: — Agálalaanawu ata Ateemit ummu áfulenumuu kahoofoolaku kata adunaayi.

Hulimahu Hásuumaahu loon Saŋ akiic homuu 12:47

An ajamumuu kulimaku kúmbaam, ban anabut li ko, inti ínje emmuu li itiibool, mata ínje ibilut boot katiib adunaayi, bale boot kafaken yo.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Bakaanelabu 11:1

Muñeˈe kufootalaku li bukanabuku káyinenumuu li Yéesu kakinumuu li etaamayi yata Súde, li kujam kaanaku bukanabuku kákaanumutumuu li Ateemit balewool, kuyayyab foof Hulimahu hata Ateemit.

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 3:26

«Bukuluul jijandumuu jíji Ateemit li áboñul alokaawu oola Yéesu, boot min áfulen anoowan li bukuluul li makaanelool majakut, min lako kásooniyen boot li bukuluul.»

Kata Lom 11:14

Iyiliyeenumuu ikaan mo, fan íji kukee li bukanabuku kammuu kusuwif loon ínje li kutahaay, min ífakenum tó kukee li buko.

Kata Lom 5:6

Li mal̥egenamu, nan ubajeenutaalumuu sembe, Kilisita li aket boot li alolaal jafañeenutaalumuu Ateemit, nan taŋayi yan Ateemit ajokumuu éliiŋumuu.

1 Kata Koolent 15:9

Li mal̥egenamu, ínje ihaŋumuu matiti li kufootalaku feh. Itookut maayeet ñano min ihooñi afootal, mata lílaamenlaamen Ejanguwayi yata Ateemit.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

1 Tímote 1:13

maayeet min ilob nomuu kulim kajakut iya li akila, li ílaamenool ban li ikaanool majakut. Bale Ateemit láyiyenonyiyen mata ibajeenut káyinen li akila, ban ihaasut wahawu wan ilakomuu kakaan.

1 Tímote 1:19

li káyinenaku ló ban li buyinum babahe. Bukan kukee kuhoohoy kujanten uyinumawu wooliil, mó lí múji káyinenaku kooliil li kújim.

1 Tímote 3:1

Hulimahu unhe hulim hata mal̥egen: An li bukuluul afañumuu min alako anahaan li Ejanguwayi, anawu ummu lafañe bulok bajake.

1 Tímote 4:9

Hulimahu unhe hulim hata mal̥egen, hatooke min bukanabuku feh kuyab ho.

1 Tímote 6:13

Boot ilobi hákil Ateemit asenemuu buloŋ wahoowah feh, li hákil Yéesu Kilisita alobumuu kulim kásuume kata mal̥egen hákil Fons Filat, eeni:

2 Tímote 2:11

Kulimaku unke kulim kata mal̥egen: Uketoolaamuu li Kilisita, Fan úloŋumaal foof li akila,

Eleetalayi yan Fool akiicumuu Tit 3:8

Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

1 Saŋ 5:11

Kulimaku unku ko kommuu unke: Ateemit lasenolaasen buloŋabu bábaneliitumuu, ban buloŋabu umbu bumbu li Añoolool.

Búhiisenumabu 21:5

Muñeˈe anawu abahumuu li efenjeŋayi yata jáyiiyaju, li aan: «Jijuke, boot min ilaañen wahawu feh uwunkulo.» Li afamen aanom: — Ukiic, mata kulimaku unke kulim kata mal̥egen, ban an layilo áyinen li kó.

Búhiisenumabu 22:6

Fúlum tó, amalakaawu li aanom: — Kulimaku unke kulim káwooluwe ban kata mal̥egen. Amaaŋenawu, láboñuuboñul amalakaawu oola abil alob kulokaabuku koola wahawu wammuu li ubaj ban let fiyo.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.