1 Tímote 1:13 - Jola-Kasa

¹³ maayeet min ilob nomuu kulim kajakut iya li akila, li ílaamenool ban li ikaanool majakut. Bale Ateemit láyiyenonyiyen mata ibajeenut káyinen li akila, ban ihaasut wahawu wan ilakomuu kakaan.

1 Tímote 1:13 Referencias Cruzadas

Hulimahu Hásuumaahu loon Lík akiic homuu 12:47

«Aloka ahaasumuu waa anahaanawu oola afañe, ban ajooŋoolut to min akaan wo, fan abaj katek káamak.

Hulimahu Hásuumaahu loon Lík akiic homuu 23:34

Muñeˈe Yéesu li aan: — Faafa, ubonketiil, mata kuhaasut waa kukaane li wo. Kusollaaliyaku li kuñak kútuken min kugaboo wañawu woola.

Bakaanelabu 22:4

Litiikentiiken bukanabuku kanabumuu li bútinabu bata Amaaŋenawu yok kuket. Li ijok káyine li kanaale ikul̥.

Bakaanelabu 3:17

«Bale muñeˈe, kutuyom, lihaase een káhaasaati kújiwuulumuu li jikaan Yéesu loon jikaanoolumuu, bukuluul li kunahaanaku kooluul.

Bakaanelabu 8:3

Bale Sóol, li alako kakajen ejanguwayi. Li anaak anoken li siluufasu ajow ájokumul ló kánayinaabuku li kanaalaabuku káyinenumuu li Yéesu, ajow akul̥.

Bakaanelabu 9:1

Bale no unnu, Sóol baloŋe li anaak ayinoo kákoyilen, li huŋes kúgoomaku.

Bakaanelabu 9:13

Ananiyaas li aan: — Amaaŋen, bukan kameeŋe kulobonlob mata ánayinaawu ummu. Kuhebonheb majakutamu feh man akaanumuu bukanabuku kooli kammuu Yeelusalem.

Bakaanelabu 9:5

Sóol li agel̥l̥en aan: — Awu ommuu ayi, Amaaŋen? Hulimahu li hoonool: — Injé emmuu Yéesu an ommuu li jálaatenaju.

1 Kata Koolent 15:9

Li mal̥egenamu, ínje ihaŋumuu matiti li kufootalaku feh. Itookut maayeet ñano min ihooñi afootal, mata lílaamenlaamen Ejanguwayi yata Ateemit.

1 Kata Koolent 7:25

Muñeˈe mata bukanabuku kayabutumuu mantee foof kayabowutumuu, ibajut hulim háfulumulo li Amaaŋenawu han éemi li isenuul. Bale boot min ihin isen kayinoolom, ínje jan káyiyenaku kata Amaaŋenawu kújimuu léemi an an joote jíkangum li akila.

Kata Galasi 1:13

Li mal̥egenamu, jijanjam buu linaake ikaanumuu nan ilakomuu li bútinabu bata kusuwifaku. Jihaase buu lihankenumuu min ílaamen Ejanguwayi yata Ateemit, ban li ikaan manooman mantee li iyiis yo.

Kata Fílib 3:6

Lihankenhanken to bil gay li inaak ílaamen Ejanguwayi. Ulobaalumuu mata buloŋ bacole loon eluwaayi elobumuu, an let ayili awatatenom to li wahoowah.

1 Tímote 1:16

Bale wahawu unwe újimuu Ateemit li áyiyenom: lafanfañ min Yéesu Kilisita áhiisum lí ínje, ammuu átinaa li kuhoofoolaabuku feh, húmuñahu hoola háamakahu, min lako bukittenoolum boot li bukanabuku kammuu li kubil kúyinen li akila, min kubaj buloŋabu bábaneliitumuu.

Eébulo 4:16

Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.

1 Fiyeel 2:10

Naanaŋ, bukuluul jilakowut bukanabuku kata Ateemit, bale muñeˈe bukan koola joom. Naanaŋ káyiyenaku kata Ateemit kulakowut li bukuluul, bale muñeˈe Ateemit láyiyenuuyiyen.