Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.
Bale ajantenutimuu, li uŋa’ an ano mantee bukan kúl̥uba, min jilaañ jijow jijukool, «bájum hulim hanoohan hammuu hulobi, li lako kuyitowa kúl̥uba mantee foof kúhaaji kumaate nan hulobimuu,» loon Hulimahu hata Ateemit hulobumuu.
Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.
Faafa, úhiis máyiineniyamu mata kajawaku kooli! Muñeˈe hulim li hujami li emitayi haane: — Líhihhiis máyiineniyamu mata ko, ban fan ilaañen íhiis máyiineniyamu mata ko.
Anattenaawu ummu, okila ammuu Buyinumabu báhiisemuu bukanabuku mal̥egenamu. Bukanabuku kata adunaayi kuyilaatool kuyab, mata kujukutool, ban kuhaasutool. Bale bukuluul jihaasool, mata ummu téetiwuul, ban ummu li bukuluul.
«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.
Ateemit latebenooteben ajow akaan kaŋenool kúli, min asenool Buyinumabu Banabaabu ban alobumuu kasen, min aŋa’ bo akaan li alolaal loon bukuluul humumuul jijukumuu, ban foof li jijam.
Jikiiculuukiic boot min jilobuul mata anawu ammuu Hulimahu hata buloŋabu. Hulimahu unhu hubabbaj yaan no li húkitumahu. Lujamaajam Hulimahu, ban li ujukaal ho li kúkilolaal. Li ulasowaal ho, ban li ugolaal ho li kuŋenolaal.
Yéesu Kilisita okila ammuu anawu abilummuu li mal li húsim. Inti li mal bale labilume, bale li mal li húsim labilume. Ban Buyinumabu li bulob min búhiis kaanaku mal̥egen, mata Buyinumabu bommuu mal̥egenamu.
