1 Saŋ 4:17 - Jola-Kasa

¹⁷ Húbooliyahu háamimuu li alolaal hoote hujow boot to, mantee li ubajaal kákangum li hunakahu hata batiibabu. Fan ubajaal kákangum mata buloŋabu boololaal li adunaayi inye, bunokoonokoo li bata Yéesu Kilisita.

1 Saŋ 4:17 Referencias Cruzadas

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 10:25

Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.

Máciya 11:22

Mó mújimuu fan eenuul, li hunakahu hata batiibabu, katekaku kooluul fan kuhaŋ mátaañi kata Tiil li Sidoŋ.

Máciya 11:24

Mó mújimuu fan eenuul, li hunakahu hata batiibabu, Ateemit fan atiibuul haŋ mátaañi kata Sodom.

Máciya 12:36

Fan ilobuul eenuul, li Hunakahu hata Batiibabu, anoowan fan atal hákil Ateemit wáa újiye li alob hulim hanoohan hajakut.

Hulimahu Hásuumaahu loon Saŋ akiic homuu 15:20

Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Hulimahu Hásuumaahu loon Saŋ akiic homuu 17:22

Liseniisen máyiineniyamu man usenommuu, bájum li kulako an ano loon awu lí ínje oomamuu an ano.

Kata Lom 8:29

Bukanabuku kan Ateemit al̥usumuu yaan no ákibben, lajoojok yaan no foof min akaaniil kunokoo li Añoolool, bájum li alako añiil átiyaa abaje kutuyaay kameeŋe.

Eébulo 9:27

Emmuu ál̥ahukowan ñano bale láami li aket, fúlum tómuu Ateemit li atiibool,

Saak 2:13

Mata Ateemit let áyiyen akila li batiib an áyiyeneliit bukan. Bale káyiyenaku fan kuheek batiibabu.

Saak 2:22

Inti lujuke? Káyinenaku koola kunaboonaboo li makaanelool majake. Ban makaanelool majake mújimuu káyinenaku koola li kunab.

2 Fiyeel 2:9

Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,

2 Fiyeel 3:7

Emitayi inye li etaamayi inye, so, Hulimahu hanolahu hata Ateemit hukaakat so to boot bil li hunakahu nan kulatoolaaku kata Ateemit kommuu li kutiibi min kubaj katek boot nanoonan. Hunakahu unhu, emitayi li etaamayi fan siniileni li sambun.

1 Saŋ 2:28

Kuñoolom, muñeˈe jítuk hujamoolahu hooluul li Kilisita lit, bilum eeno nan ammuu li abil li ubajaal kákangum, ban let ubajaal ñisuu hákilool li hunakahu nan ammuu li álaañul.

1 Saŋ 2:5

Bale an akaanumuu loon hulimahu hoola holobumuu, anawu ummu láhiisunhiisum tó kaanaku húbooliyahu hata Ateemit hunhu li akila boot to. Muñowu lóotumaalumuu uhaasaal oonaal lujamoolaajamoo li akila.

1 Saŋ 2:6

An aanumuu li Yéesu lajoke, anawu ummu laate aloŋ akila humumool loon Yéesu aloŋumuu.

1 Saŋ 3:1

Jijuke buu Atuubaawu afañoolaalumuu ŋáa’! Hufañahu han afañolaalumuu huluuluuk gay li uhooñaali bañiil bata Ateemit. (Ban mal̥egen bañiil Ateemit loomaal.) Bukanabuku kata adunaayi kuhaasut Ateemit, wahawu unwu újimuu kuhaasutolaal.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.

1 Saŋ 3:7

Kuñoolom, jíkaanum, jakum an abuntuul. An akaane wah wacole, lakankaan an acole loon Kilisita humumool akaanumuu an acole.

1 Saŋ 4:12

Bajut an abile ajuk Ateemit. Bale úbooliwoolaalumuu, Ateemit fan alako nanoonan li alolaal ban húbooliyahu han ábooliwolaalumuu fan hujow boot to.