1 Saŋ 3:7 - Jola-Kasa

⁷ Kuñoolom, jíkaanum, jakum an abuntuul. An akaane wah wacole, lakankaan an acole loon Kilisita humumool akaanumuu an acole.

1 Saŋ 3:7 Referencias Cruzadas

Máciya 5:20

Fan ilobuul eenuul, jítuulutumuu Hulimahu hata Ateemit jihaŋ bukanabuku kaliikenemuu ésukayi eluwaayi yata Móyiis li Kufaaliisiyeŋaku, let jibil jinoken li Jáyiiyaju jata Ateemit.

Hulimahu Hásuumaahu loon Lík akiic homuu 1:75

Bájum li uyiliyaal ulakowaal bukan kanabe, li bukan kacole hákil Ateemit, kunakaku feh kata buloŋabu boololaal.

Bakaanelabu 10:35

An ata banooban átuule Ateemit ban li akaan an acole, fan ásuum Ateemit.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

1 Kata Koolent 6:9

Kama jihaasut joon bukanabuku kakaanemuu majakut let kunoken li Jáyiiyaju jata Ateemit? Jakum jibuntoolo: káfulowemuu li aletalet, kamanenemuu kuteemit kalet mal̥egen, kahintowemuu li bukan kan kuyabowut, kánayinaabuku kahintenemuu kufaaliil kánayine,

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

Kata Efées 5:9

Mawuŋaamu mukaanekaan bukanabuku kulako bukan kásuume, kacole li kata mal̥egen.

Kata Fílib 1:11

Muñowu Yéesu Kilisita ájiwummuu buloŋabu booluul li bumeeŋ bakaane bacole, boot li máyiineniyamu li kasalaku kata Ateemit.

Eébulo 1:8

Bale li alob mata Añiilawu aan: «Awu ammuu Ateemit, efenjeŋayi yooli yata jáyiiyaju inyu to boot nanoonan. Fan ooken bukanabuku kata jáyiiyaju jooli li bakaane bacole.

Eébulo 7:2

Abulaham li asenool bújufabu bata wahawu feh wan áŋalulo bómuu. Kajawaku unku Melikisedek, yo yommuu «Ayíi ata macole». Melikisedek áyii ata Salem foof lalakowe, yo yommuu «Ayíi ata kásuumaay.»

Saak 1:22

Bale jakum jibuntoolo, li kajanten hulimahu hata Ateemit bale, ban let jikaan loon hulobumuu.

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.

1 Fiyeel 2:24

Latetteb uhoofoolawu woololaal li eniilayi yoola boot li ekuluwaayi, bájum kahoofoo li kuket li ololaal, min uloŋaal buloŋ bacole. Li ucokawu woola bukuluul jífakummuu.

1 Saŋ 2:1

Kuñoolom, likiicuukiic kulimaku unke jakum bil jihoofoo. Bale nokoomuu loon akee li bukuluul ahoofoole, lubajaale akooŋena hákil Atuubaawu: Okila ammuu Yéesu Kilisita, acolumuu.

1 Saŋ 2:26

Bukanabuku kafañumuu kabuntuul kújimuu li ikiiculuul wahawu unwu.

1 Saŋ 2:29

Nokoomuu loon jihaase kaanaku Kilisita lakankaan an acole, joote jihaas foof kaanaku an anaakumuu akaan wah wacole, anawu ummu añoolool laam.

1 Saŋ 3:18

Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.

1 Saŋ 4:17

Húbooliyahu háamimuu li alolaal hoote hujow boot to, mantee li ubajaal kákangum li hunakahu hata batiibabu. Fan ubajaal kákangum mata buloŋabu boololaal li adunaayi inye, bunokoonokoo li bata Yéesu Kilisita.