1 Saŋ 2:10 - Jola-Kasa

¹⁰ An áboolimuu atuyool, anawu ummu, ummu nanoonan li mawuŋaamu, ban bajut wah li akila waate újiwool li alo li kahoofoo.

1 Saŋ 2:10 Referencias Cruzadas

Máciya 13:21

Bale emmuu Hulimahu hubajut kuhaa’ li anawu ummu, nan sílaamasu síŋejulumuu, jálaatenaju foof li jíliiŋul mata Hulimahu húji, li ayaan akat bo káyinenaku koola.

Máciya 18:7

Katek káamak kujow kulako li adunaayi, mata wahawu wakaanemuu ésukayi elo li kahoofoo úji! Li mal̥egenamu, wahawu unwu wóote ubaj, bale katek káamak kujow kulako li anawu ájimuu li ubaj!

Hulimahu Hásuumaahu loon Saŋ akiic homuu 11:9

Yéesu li aaniil: — Kama inti etihunaka ebaje siwaatu kuŋen li síl̥uba? An ajowumuu tihunak, let ajonten mata lajuujuk mawuŋaamu mata adunaayi.

Hulimahu Hásuumaahu loon Saŋ akiic homuu 12:35

Yéesu li aaniil: — Mawuŋaamu muloŋe li moono li bukuluul. Bale let mulako li bukuluul fiyo. Jinab li bútinabu booluul muñeˈe nan jiloŋumuu li jibaj mawuŋaamu, jakum bil élimayi egoobuul. Mata an ájowume li élim, ahaasut bay lajeˈe boot.

Hulimahu Hásuumaahu loon Saŋ akiic homuu 8:31

Muñeˈe Yéesu li aan Kusuwifaku káyinenumuu li akila: — Jinabumuu li kulimaku kan ilobuulumuu, joonosoono li mal̥egen kúgoomaku kúmbaam.

Kata Lom 14:13

Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.

1 Saŋ 2:11

Bale an alatumuu atuyool, anawu ummu ummu li élim. Ummu li buloŋ li élimayi, ban ahaasut bay lajowe boot, mata élimayi éfuumenoofuumen.

1 Saŋ 3:14

Luhaasaale oonaal li eketayi lúfulumulaale ubil oonowaal li buloŋabu, mata lufañaafañ kutuyolaal. An afañutumuu atuyool, anawu ummu laloŋe li eketayi.