1 Kata Koolent 9:5 - Jola-Kasa

⁵ Wáa áloli jibajut kakaañen min anoowan li ayab anaale áyinene li Kilisita min jinaak jinaboo, loon kufootal kaabuku foof kukaanemuu, li kutuyaku kata Amaaŋenawu li Fiyeel?

1 Kata Koolent 9:5 Referencias Cruzadas

Máciya 13:55

Kama kele inti akila ammuu añiilawu ata adaajaawu ata siluufasu? Inti Mali ammuu jaawool. Ban kama inti Saak, Suseef, Simoŋ, li Súd kommuu kutuyool?

Máciya 8:14

Muñeˈe Yéesu li ajow bata Fiyeel áliiŋ, li atook al̥olool aale mahintowe. Bújuusa babetelool.

Maak 1:30

Al̥ol Simoŋ aale akila ló mahintowe, mata bújuusa mabetelool. Nan Yéesu aliiŋumuu, li kuyaan kulobool mata kásomutaku kata anaalaawu.

Maak 6:3

Kama kele inti akila ammuu adaajaawu ata siluufasu, añiilawu ata Mali? Ban kama inti Saak, li Sóose, li Súd, li Simoŋ, kommuu kutuyool? Kama inti kúliinool kumbuku taate li ololaal? Muñeˈe wahawu unwu li úhiliil kúyinenum li Yéesu.

Hulimahu Hásuumaahu loon Lík akiic homuu 6:15

Máciya li Toma, Saak ata Alife li Simoŋ (alakomuu li hojojahu haaneyimuu Selot),

Hulimahu Hásuumaahu loon Lík akiic homuu 8:20

Bukanabuku li koon Yéesu: — Jaawi li kutuyi kumbuku tíyaŋ mayitowe, ban kufañe kujuki.

Hulimahu Hásuumaahu loon Saŋ akiic homuu 1:42

Muñeˈe Andele li ájowetum Simoŋ bata Yéesu. Kúliiŋ, Yéesu li ajukelool ban li aan: — Awu ommuu Simoŋ, añiilawu ata Saŋ. Fan kuhooñi kajawaku kaaneyimuu Sefaas (Yo yommuu «Fiyeel»).

Hulimahu Hásuumaahu loon Saŋ akiic homuu 2:12

Fúlum tó, Yéesu li ajow boot li ésukayi yata Káfeenawum, akila li jaawool, li kutuyool, li kúgoomaku koola. Kukaanut bo kunak kafame.

Bakaanelabu 1:14

Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.

Kata Lom 16:1

Boot min iboñuluul áliinolaal Fóbe ammuu li bulok boot li ejanguwayi yata Sankile.

1 Kata Koolent 1:12

Wahawu wan ifañumuu ilob, wo wommuu unwe: li bukuluul akee fan aan: «Injé bata Fool lilaañe», aahu li aan: «Injé bata Afolos», aahu li aan: «Injé bata Fiyeel», akee foof li aan: «Injé bata Kilisita lilaañe».

1 Kata Koolent 7:15

Nokoomuu loon anawu áyinenutumuu li Yéesu afañe min kukatoo li anawu an kuyabomuu áyinenumuu, kuyilo kukatoo. No unnu ánayinaawu mantee anaalaawu áyinenumuu hoola húfule, mata Ateemit lahooñuuhooñ boot mata min jiloŋ li kásuumaay.

1 Kata Koolent 7:39

Anaale an kuyabowe li ánayine, fan kukin boot yok nan áyinool ammuu li aket. Bale áyinool aketumuu, anaalaawu layilo ajow ayabo li an an afañe. Bale anawu an kóotimuu kuyabo laate alako an áyinene li Amaaŋenawu Yéesu.

1 Kata Koolent 7:7

Li mal̥egenamu, lifañeene min bukanabuku feh kunokoo loon ínje, bale anoowan labaje káji humum ko kan Ateemit asenool. Aahe káji kaake, aaha káji kaaka.

1 Kata Koolent 7:8

Kulimaku unke lemmuu li ilob kayabutumuu li kayabowutumuu li kukahalaku: fan jak ŋáa’ boot li buko min kulako to muñaˈa loon ínje.

Kata Galasi 1:19

Ijukut afootal akee. Saak bale lijuke ammuu atuyawu ata Amaaŋenawu.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 4:3

Bukanabuku umbuku kúhilehi’ ésukayi éyabowum, ban li kúhiliil foof kutiñum mutiñaay mukee. Ban Ateemit láwuwenwuwen mutiñaayamu ummu, mantee káyinenumuu li akila, kahaasumuu mal̥egenamu, li kul̥awool ban li kusalool min kutiñ mo.

1 Tímote 5:2

Kaalaabuku kahallenumuu, ujokiil loon sijaawi. Kanaalaabuku kañiilomuu li ujokiil loon kúliini. Uloŋ buloŋ banabe hákiliil.

Eleetalayi yan Fool akiicumuu Tit 1:6

Anahaan ata ejangu, an aatut ajuk majakut li akila, ban laate ayab anaale ano bale. Bañoolool boote bulako bukan káyinene li Yéesu, ban jakum an ayili awatateniil li wahoowah, mantee foof li lako kútuulut sibukoolayiil.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.