1 Kata Koolent 9:24 - Jola-Kasa

²⁴ Inti bukuluul jihaase kaanaku bukanabuku kaheekoolemuu li etey li kukaakaku, foofiil feh fan kutey, bale an ano li buko ammuu li aheek min aŋa’ bacaamabu? Bukuluul foof kama jitey etey yata min jiheek min jiŋa’ bacaamabu.

1 Kata Koolent 9:24 Referencias Cruzadas

Kata Lom 6:16

Kama jihaase kaanaku jijokumuu min jikaanoolo kuloka kata an min jinaak jítuulool, fan jilako emiikeel yata anawu ummu an jítuulemuu. Muñeˈe baje wah úl̥uba: iyilo lako emiikeel joom yata kahoofoo, ban kahoofoolaku fan kújowetumuul li eket, mantee foof kuloka joom kata Ateemit, ban Ateemit fan akaanuul jilako bukan kacole mata min jítuuloolumuu.

1 Kata Koolent 9:13

Manooman jihaase kaanaku bukanabuku kalokemuu li Eluufayi yata Ateemit, ló kúyabume naak hutiñahu hooliil. Bukanabuku kasilayemuu sínuukuleŋasu li husilaahu kubajebaj jooliil li eliwayi yata sínuukuleŋasu sasilayimuu.

1 Kata Koolent 9:23

Wahawu unwu feh likankaan wo bájum Hulimahu Hásuumaahu li hujami tanootan, mantee li íbajum tó júmbaam li kásooniyenaku kata ho.

1 Kata Koolent 9:26

Wahawu unwu újimuu ínje ummu li etey, bale íteyeliit ló muñaˈa. Linokoonokoo loon atekoola, bale ítekeliit ló muñaˈa.

Kata Galasi 2:2

Lijowujow boot Yeelusalem mata Ateemit áhiisom kaanaku leete ijow boot bo. Nan íliiŋ bomuu, li ísuumen li kunahaanaku baleyiil, min íhiisiil Hulimahu Hásuumaahu han iwaaleyemuu bukanabuku kaletumuu kusuwif, jakum bil bulokabu ban ikaan nomuu li ban emmuu li ikaan bulako bulok bata kakaal̥o.

Kata Galasi 5:7

Jijowenjow jak! Kama ayimaa áfiife bútinabu min alenjenuul jífu’ li mal̥egenamu?

Kata Fílib 2:16

Jifañumuu jikaan mo, li jítuk lit Hulimahu hata buloŋabu. Jikaan momuu, fan iyili ísangoolum mooluul li hunakahu nan Kilisita ammuu li álaañul, mata fan híis kaanaku bulokabu búmbaam li sílaamasu súmbaam inti kakaal̥o.

Kata Fílib 3:12

Iyilaat een liyaane íliiŋ tan iteyemuu boot, mantee foof liyaane ikaan an áliiŋe. Bale ínje ummu min ihankenemuu min itey mantee li iyili iyab bacaamabu, mata Yéesu Kilisita lajokonjok aban.

Kata Fílib 3:14

Injé ummu min ihankenemuu min itey boot tan iteyemuu boot, mantee li iyab bacaamabu ban Ateemit ahooñolaamuu boot uyabaal haatiya, humum hata hujokoolahu hoololaal li Yéesu Kilisita.

Kata Kolos 2:18

Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Saak 1:12

Awólo, an áami li sílaam ban li amunten. Mata nan ammuu amunten boot yok nan sílaamasu sommuu li siban, Ateemit fan asenool buloŋabu babaneliitumuu bulako busuuhen, ban alobumuu kasen bukanabuku kafañoolumuu.

Búhiisenumabu 3:11

Injé ummu li ibil. Utúk wahawu wan ookumuu lit, jakum bil an aŋa’ bacaamabu booli.