1 Kata Koolent 8:9 - Jola-Kasa

⁹ Jiyilo jikaan wah wásuumuul, bale jijuke to, jakum bil bakaanelabu booluul búji bukanabuku kan káyinenaku kooliil kulitutumuu, li kulo li kahoofoo.

1 Kata Koolent 8:9 Referencias Cruzadas

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Kata Lom 15:1

Alolaal jabajaalumuu sembe li káyinenaku, lootaale ulambenaal kágootomuu li káyinenaku. Jakum uŋesaal wahawu wásuumolaamuu bale.

1 Kata Koolent 10:24

Jakum an aŋes majake boot li akila bale, bale aŋes majake boot li kaabuku.

1 Kata Koolent 10:28

Bale an aanuulumuu: «Eliwayi inye yata énuukuleŋ yawaaseni kuteemit kalet mal̥egen», jakum jitokoñ yo humum hata anawu ummu alobuul momuu, jakum bil an abaj to kayinoo kakee.

1 Kata Koolent 10:29

Inti mata wahawu wan bukuluul jiyinoo tomuu lilobe, bale mata kayinoolaku kata aahu. Waa wommuu li úji li ikaan wah hákil an, wáami li újiwool li abaj to kayinoo kakee min ájowum to atiibom, ban liyiliyeene ikaan wo?

1 Kata Koolent 10:32

Baloŋelabu booluul jakum búji bukan li kulo li kahoofoo, lako kusuwif, mantee bukan kalet kusuwif, mantee foof bukanabuku kata ejanguwayi yata Ateemit.

1 Kata Koolent 8:10

Li mal̥egenamu, nokoomuu loon an an káyinenaku koola li Kilisita kulitut, ajuki awu «jahaasumuu wah», mabahe tan kukaane ateemit alet mal̥egen min ulako hutiñ, mantee anawu ummu let ayinoo li aan layilo atokoñ eliw yata sínuukuleŋ sasilayi kuteemit kalet mal̥egen?

1 Kata Koolent 8:12

Jihoofoomuu loon muñaˈa kutuyuul, ban li jiliiw uyinumawu wooliil wágootomuu, jihaas joon Kilisita humumool jihoofoole.

1 Kata Koolent 9:22

Ilakomuu li bukan kágootowe, fan iloŋ loon eenimuu ínje humumom lígootogooto, mantee li íŋalul kágootomuu boot li Yéesu Kilisita. Mó mújimuu likaanoolokaanoolo ilako wahawu feh boot li bukanabuku feh, mantee manooman li ifaken kukee li buko.

2 Kata Koolent 11:21

Lisuusuumuu min ilob mo: kama áloli búgootowoli bújimuu jikaanutuul wahawu unwu. Boot min ilob loon an awele: wah wan kukee kukaañene kúsaloolowum li wo, ínje humumom foof liyilo ísaloolowum li wo.

2 Kata Koolent 11:29

An ágootomuu, ínje humumom foof li ígooto. An alomuu li kahoofoo, fan séngiwom kata láala ŋáa’.

2 Kata Koolent 6:3

Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Kolos 2:8

Jíkaanum jakum bil an abuutumuul li Sihekej. Laalu émalimiñ yabilumulo li bújallo bata ál̥ahukowan, li sembaasu sata uyinumawu wajakutaawu wammuu li adunaayi, bale inti li Kilisita ebilumulo.

1 Fiyeel 2:16

Jiloŋ loon bukan kalet emiikeel, bale min jiletumuu emiikeel jakum jíwuul li jíjowum tó jinaak jikaan wah wajakut li huyolo. Jiloŋ loon emiikeel joom yata Ateemit.

2 Fiyeel 2:19

Fan kooniil boot min kukaaniil kúfu’ li humiikeeleto, ban buko humumiil emiikeel koom yata bakaane bajakut; mata an amiikeel laam ata wahoowah wan ayilaat akat.

Búhiisenumabu 2:14

Bale baje wah wan eete iwatateni mata wo: lubaje booli bukan kanabe li kulimaku kata Balam, alobumuu Balak buu lammuu abuutoo kata Isilayeel min kutokoñ eliw yawaaseni, li buu kommuu kunaak kúfulo bo muñaˈa.