1 Kata Koolent 8:11 - Jola-Kasa

¹¹ Kaanumuu loon muñaˈa, atuyi ummu an káyinenaku koola kulitutumuu, «kahaasemiñaku» kooli li kújiwool li ájim, ban Kilisita lakeeket boot li akila.

1 Kata Koolent 8:11 Referencias Cruzadas

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Kata Lom 14:15

Uyokenumuu atuyi humum hata wahawu wan awu útiñemuu, ulet li káhiisool húbooli. Jakum wah wan utiñe bale újiyi li újimen an an Kilisita akete boot li akila.

1 Kata Koolent 10:33

Jikaan loon ínje. Liŋeseŋes min ikaan bukanabuku feh súumiil li wahoowah feh. Iŋesut majake múmbaam bale, bale majakaamu mata bukanabuku feh, mantee li kufak.

1 Kata Koolent 8:13

Wahawu unwu újimuu, kaanumuu loon eliw yan itiñe yóomi li éji atuyom li alo li kahoofoo, fan ikat kale bútokoñ eliw jakum íji atuyom li alo li kahoofoo.

1 Kata Koolent 8:4

Muñeˈe mata bútokoñabu bata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku kuteemitaku kaletumuu mal̥egen kulet wah wata mal̥egen li adunaayi inye, ban Ateemit ano bale abaje.