1 Kata Koolent 8:1 - Jola-Kasa

¹ Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

1 Kata Koolent 8:1 Referencias Cruzadas

Bakaanelabu 15:10

Kama muñeˈe waa wommuu li úji li jifañ jiyoob Ateemit, li bútebabu ban jifañumuu jikaan káyinenumuu kugalo, ban situubawolaal sihaan li alolaal humumolaal uyilaataamuu utebaal?

Bakaanelabu 15:29

jakum jitokoñ eliw yata sínuukuleŋ san kákaanumutumuu li Ateemit balewool kusilaye; jakum jitiñ húsim, jakum jitokoñ sínuukuleŋ sakuumi min siket; jakum an áfulo an an kuyabowut. Jikatumuu wahawu unwumaa, jikaane jak. Jisaafuluul ŋáa’!»

Bakaanelabu 21:25

Bale bukanabuku kákaanumutumuu li Ateemit balewool káyinenumuu muñeˈe li Yéesu, jikiiciikiic min jilobiil wahawu wan jijokumuu. Jooniisoon jakum kutokoñ eliw yata sínuukuleŋ sasilayi kuteemit kalet mal̥egen, jakum kutiñ húsim, jakum kutokoñ eliw yata sínuukuleŋ sakuumi min siket, ban jakum an áfulo an an kuyabowut.

Kata Lom 11:25

Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Kata Lom 14:10

Kama awu wáa újiye li utiib atuyi? Awu foof, wáa újiye li ubes atuyi? Li mal̥egenamu, alolaal foofolaal feh fan ubil uyitowaal hákil hutiibahu hata Ateemit min atiibolaal.

Kata Lom 14:14

Lihaase, ban Amaaŋenawu Yéesu lakaanonkaan íyinen kaanaku bajut wah wáñeyiye hutiñ wo humum wo. Bale an ayinoomuu li aan wah waman úñeyiñeyi, manooman fan úñeyi boot li akila.

Kata Lom 14:19

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

Kata Lom 14:22

Wahawu wan awu úyinenumuu li wo, uhahen wo boot li awu humumi hákil Ateemit. Awólo, anawu aatutumuu aan latilentilen li bamanabu boola!

Kata Lom 14:3

Anawu atiñemuu wahawu feh, aatut abes atiñemuu wah wáfulumulo li etool bale. Anawu foof atiñemuu wah wáfulumulo li etool bale, aatut atiib atiñemuu wahawu feh, mata Ateemit layabooyab.

Kata Lom 15:14

Kutuyom, ínje humumom líyinenyinen kaanaku bukuluul jikankaan bukan kásuume ŋáa’; jihaase wahawu feh wan jóotimuu jihaas, ban jiyilo foof jinaak jisaaboo.

1 Kata Koolent 1:5

Li mal̥egenamu, li hujamoolahu hooluul li Kilisita Ateemit asenumuulumuu hubaj hata káji kanookan, háŋum kata hulim hanoohan li kata kahaasemiñ kanookan.

1 Kata Koolent 10:15

Lilollob li bukuluul loon bukan kata uyinum. Jiyinoo bukuluul humumuul min jijuk kulimaku kan ilobuulumuu.

1 Kata Koolent 10:28

Bale an aanuulumuu: «Eliwayi inye yata énuukuleŋ yawaaseni kuteemit kalet mal̥egen», jakum jitokoñ yo humum hata anawu ummu alobuul momuu, jakum bil an abaj to kayinoo kakee.

1 Kata Koolent 14:20

Kutuyom, jakum jinokoo li bañiil li mayinelamu mooluul. Nokoomuu loon mata kakaan majakut, jilako bañiil, bale loon mata kayinoo, jilako kunahaan.

1 Kata Koolent 15:34

Jílaañul jikaan uyinumuul jak, ban li jikat kahoofoo. Li mal̥egenamu, kukee li bukuluul kuhaasut Ateemit. Lilobuulob mo boot li ñisuu ñooluul.

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

1 Kata Koolent 4:18

Kukee li bukuluul kutebenteben ubandiil mata kuyinooyinoo li koon let ibil booluul.

1 Kata Koolent 4:6

Kutuyom, wahawu wan ilobuulumuu feh, lilollob wo iya li Afolos lí ínje humumom boot li majakaamu mooluul. Lifañeene min jiliikenum li áloli wahawu wan húlobuwahu unhe hufañumuu hulob: «Jakum jikaan wah jijow jiwuuhen wahawu wakiicimuu.» An li bukuluul aatut ateben ubandool mata min alaañe bata akee min akat bo aahu.

1 Kata Koolent 5:2

Buyina booteene bujokuul, min jikesoo anawu ummu ákaanikoomuu áfu’ li bukuluul, bale jikaanut mo min bukuluul jinaak jiteben ubanduul.

1 Kata Koolent 5:6

Min jitebenemuu ubanduul loon muñaˈa, jakut maayeet! Kama jihaasut kaanaku: «Jílebiil jatit jíkaakenemuu efolayi feh yasiiwimuu.»

1 Kata Koolent 8:2

An ayinoomuu li aan lahaase wah ukee, anawu ummu ahaasolut jak loon áatimuu ahaas.

1 Kata Koolent 8:4

Muñeˈe mata bútokoñabu bata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku kuteemitaku kaletumuu mal̥egen kulet wah wata mal̥egen li adunaayi inye, ban Ateemit ano bale abaje.

1 Kata Koolent 8:7

Bale inti bukanabuku feh kuhaase mal̥egenamu ummu. Kukee kafuleneenumuu li ejow bata kuteemitaku kaletumuu mal̥egen, boot síyaat kuloŋe li kutokoñ eliwayi inyu loon eenimuu eliw yata sínuukuleŋ sasilayi kuteemitaku umbuku kaletumuu mal̥egen. Uyinumawu wooliil úgootogooto, ban li kujokoolo loon bukan kasikowe li eliwayi inyu.

Kata Efées 4:16

Kilisita lakankaan bukanabuku koola feh kujokoo, loon kuŋaw kujokemuu síŋullum sata eniil yata an kukaan tin tano. Wahoowah li eniilayi ukaanumuu bulokabu bata wo loon wóotimuu ukaan bo, eniilayi foof yo feh fan yank min ebaj sembe. Muñowu nokoomuu li ejanguwayi. Anoowan áami ló áboolimuu afaalool, ban li akaan bulokabu boola, ejanguwayi fan yank jak li búlambenum bata sembaasu sata Kilisita.

Kata Kolos 2:18

Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

Búhiisenumabu 2:14

Bale baje wah wan eete iwatateni mata wo: lubaje booli bukan kanabe li kulimaku kata Balam, alobumuu Balak buu lammuu abuutoo kata Isilayeel min kutokoñ eliw yawaaseni, li buu kommuu kunaak kúfulo bo muñaˈa.

Búhiisenumabu 2:20

Bale libaje wah wan eete iwatateni mata wo: lukaakat anaalaawu an koonemuu Jesabel, ámalemuu aan afulofet laam, min ájimen kulokaabuku kúmbaam. Li kulimaku kan aliikenemuu ésukayi labuntumiilumuu min kunaak kúfulo bo muñaˈa, li kunaak kutokoñ eliw yata sínuukuleŋ sawaaseni.