1 Kata Koolent 7:38 - Jola-Kasa

³⁸ Kaanumuu loon muñaˈa, anawu ayabumuu ásungutaawu an kufañoomuu lakaane jak, bale anawu ayabutumuu anaale, lahaŋe makaan jak.

1 Kata Koolent 7:38 Referencias Cruzadas

Máciya 5:32

Bale ínje fan eenuul: ánayine aanumuu aseekool ábalo, akila bahintowut li ánayine akee, fan áji anaalaawu li alo li kahoofoo akila balaañene ayabo. Li bil nokoo loon an ayabe anaale ábalowe bata áyinool, lahintenhinten anaale alet oola.

1 Kata Koolent 7:26

Lenseen jaajak min an alako to loon aanomuu. Sílaamasu sata muñeˈe síjimuu li ilob mo.

1 Kata Koolent 7:37

Bale an ajokumuu li buyinumool kaanaku let ayab, ban an atuuŋutool, min lako okila ayinoole min akaan wah wásuumool, ban li ayili ajokoo li kásiibowaku koola, anawu ummu lakaane jak.

1 Kata Koolent 7:39

Anaale an kuyabowe li ánayine, fan kukin boot yok nan áyinool ammuu li aket. Bale áyinool aketumuu, anaalaawu layilo ajow ayabo li an an afañe. Bale anawu an kóotimuu kuyabo laate alako an áyinene li Amaaŋenawu Yéesu.

1 Kata Koolent 7:8

Kulimaku unke lemmuu li ilob kayabutumuu li kayabowutumuu li kukahalaku: fan jak ŋáa’ boot li buko min kulako to muñaˈa loon ínje.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.