1 Kata Koolent 7:17 - Jola-Kasa

¹⁷ Fúlum tomuu li wahawu unwu feh, jijok li hulimahu han ilobemuu bukanabuku li sijanguwasu feh. Hulimahu unhu ho hommuu: anoowan laate alako loon Amaaŋenawu akaanoolumuu, loon alakomuu nan Ateemit ahooñoolumuu.

1 Kata Koolent 7:17 Referencias Cruzadas

Máciya 19:12

Baje wah wájiye bukan kameeŋe li kulako to muñaˈa bayabut. Kukee káwuwiil, kaabuku bukan kukaaniil mo, kaabuku buko koone let kuyab mata Jáyiiyaju jata haatiya jíji. An ayilimuu akaan loon kulimaku unku kulobumuu, li akaan.

1 Kata Koolent 10:32

Baloŋelabu booluul jakum búji bukan li kulo li kahoofoo, lako kusuwif, mantee bukan kalet kusuwif, mantee foof bukanabuku kata ejanguwayi yata Ateemit.

1 Kata Koolent 11:16

An afañumuu min alaañen áwonnoo mata hulimahu unhu, ahaas aan áloli jibajut bakaane bakee, ban sijanguwasu sata Ateemit foof sibajut bakaane bakee.

1 Kata Koolent 11:34

An li bukuluul acaaletumuu li atiñul boola, jakum jibil jinaak jiwoog, li jíŋalul katekaku kata Ateemit jikaanoolo. Wah waawu, nan emmuu li íliiŋul, li ilobuul mata wo.

1 Kata Koolent 14:33

Li mal̥egenamu, Ateemit alet Ateemit ata búguul̥oo, bale Ateemit ata kásuumaay laam. Loon kaanemuu li sijanguwasu feh sata bukanabuku kata Ateemit,

1 Kata Koolent 16:1

Muñeˈe mata sídalamasu sasenimuu boot li bukanabuku káyinenumuu li Yéesu kammuu li ésukayi yata Yeelusalem, bukuluul foof jinab li kulimaku kan isenumuu bukanabuku kata sijanguwasu sammuu li etaamayi yata Galasi.

1 Kata Koolent 4:17

Wahawu unwu újimuu li íboñuluul Tímote, ammuu añoolom an iboolaatumuu, ban li átuk lit li Amaaŋenawu. Fan awayil̥enuul buu ínje iloŋemuu li Yéesu Kilisita, loon foof liliikene bomuu tanootan li sijanguwasu feh.

1 Kata Koolent 7:18

Kaanumuu loon an lateyitey búkut nan Ateemit ahooñoolumuu, alako to loon muñaˈa. Li bil nokoo loon an ateyut búkut nan Ateemit ahooñoolumuu, jakum aŋes min atey búkut.

1 Kata Koolent 7:24

Kutuyom, anoowan laate alako hákil Ateemit loon alako nomuu nan ahooñoolumuu.

1 Kata Koolent 7:7

Li mal̥egenamu, lifañeene min bukanabuku feh kunokoo loon ínje, bale anoowan labaje káji humum ko kan Ateemit asenool. Aahe káji kaake, aaha káji kaaka.

2 Kata Koolent 11:28

Ifanut ilob mata wah waawu feh wasaŋomuu: bútebabu búmbaam bata hunakoohunak, bo bommuu kayinoo mata sijanguwasu feh.

2 Kata Koolent 8:18

Boot min kúnaboolul li atuyolaal an sijanguwasu feh sisalemuu humum hata bulokabu boola bata kawaaleyaku kata Hulimahu Hásuumaahu.

Kata Galasi 1:22

Bukanabuku káyinenumuu li Kilisita kata sijanguwasu sammuu li etaamayi yata Súde kuhaasutom li buul.

1 Kata Tesalonik 2:14

Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.

2 Kata Tesalonik 1:4

Mó mújimuu, áloli húmumoli li jinaak jisaloolo mooluul li sijanguwasu sata Ateemit, mata min bukuluul jítukumuu lit ban li jiloŋ li jíyinen li Yéesu, maayeet min bukanabuku kúlaamenuulumuu ban li kuyokenuul ŋáa’.