1 Kata Koolent 7:10 - Jola-Kasa

¹⁰ Kayabumuu li kayabomuu, hulimahu unhe lemmuu li ilobiil: anaale ayabowe aatut ábalo bata áyinool. Koote kukaan loon hulimahu unhu hulobumuu. Inti lí ínje hubilumulo, bale li Amaaŋenawu.

1 Kata Koolent 7:10 Referencias Cruzadas

Máciya 5:32

Bale ínje fan eenuul: ánayine aanumuu aseekool ábalo, akila bahintowut li ánayine akee, fan áji anaalaawu li alo li kahoofoo akila balaañene ayabo. Li bil nokoo loon an ayabe anaale ábalowe bata áyinool, lahintenhinten anaale alet oola.

Maak 10:2

Muñeˈe Kufaaliisiyeŋaku li kufañ kubuutoo Yéesu, li kúkoojulool min kugel̥l̥enool koonool: — Mantee eluwaayi yonsoon ánayine layilo aan aseekool ábalo?

Hulimahu Hásuumaahu loon Lík akiic homuu 16:18

«Anáyine aanumuu aseekool ábalo ban li áyabul anaale akee, ánayinaawu ummu lahintenhinten anaale alet oola, anaalaawu li ahinto li ánayine alet oola. Li bil nokoo loon ánayine ayabe anaale ábalowe bata áyinool, lahintenhinten anaale alet oola, anaalaawu li ahinto li ánayine alet oola.

1 Kata Koolent 7:11

Nokoomuu loon anaale ábalowe bata áyinool, jakum alaañen ayabo, mantee yo yommuu alaañ kujow kujamoo li áyinool. Li manolamu, ánayine aatut aan aseekool ábalo.

1 Kata Koolent 7:12

Kaabuku kulimaku unke lemmuu li ilobiil: ánayine áyinene li Yéesu abajumuu anaale áyinenut ban anaalaawu li aan éehe’ kuyilo kukin, ánayinaawu aatut aan anaalaawu ábalo. Kulimaku unke ínje humumom ilob ko, inti Amaaŋenawu.

1 Kata Koolent 7:15

Nokoomuu loon anawu áyinenutumuu li Yéesu afañe min kukatoo li anawu an kuyabomuu áyinenumuu, kuyilo kukatoo. No unnu ánayinaawu mantee anaalaawu áyinenumuu hoola húfule, mata Ateemit lahooñuuhooñ boot mata min jiloŋ li kásuumaay.

1 Kata Koolent 7:25

Muñeˈe mata bukanabuku kayabutumuu mantee foof kayabowutumuu, ibajut hulim háfulumulo li Amaaŋenawu han éemi li isenuul. Bale boot min ihin isen kayinoolom, ínje jan káyiyenaku kata Amaaŋenawu kújimuu léemi an an joote jíkangum li akila.

1 Kata Koolent 7:40

Alako tomuu muñaˈa bayabowut, fan ahaŋ mabaj kásuumaay. Kayinoolaku kúmbaam ko kommuu unku, ban lenseen ínje foof libaje Buyinumabu bata Ateemit.

1 Kata Koolent 7:6

Min ilobumuu loon muñowu, ilet li katuuŋuul min jikaan mo, bale jikaan momuu jaajak.