1 Kata Koolent 5:4 - Jola-Kasa

⁴ Jiwoogumuu li kajaw kata Amaaŋenawu Yéesu, buyinumabu búmbaam fan bulako li bukuluul. Li sembaasu sata Amaaŋenawu oololaal Yéesu Kilisita,

1 Kata Koolent 5:4 Referencias Cruzadas

Máciya 16:19

Fan iseni sikul̥umasu sata Jáyiiyaju jata Ateemit. Wahoowah wan úñeyiyene li etaamayi, fan úñeyiyeni li emitayi. Wahoowah foof wan úñeyiyenut li etaamayi, let úñeyiyeni li emitayi.

Máciya 18:20

Mata tan bukan kúl̥uba mantee foof kúhaaji kujoje li kajawaku kúmbaam, ínje ummu li tutiil.»

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Hulimahu Hásuumaahu loon Saŋ akiic homuu 20:23

Jibonketumuu bukan uhoofoolawu wooliil, Ateemit foof fan abonketiil wo. Bale bukanabuku kan jootutumuu jibonket uhoofoolawu wooliil, Ateemit foof let abonketiil wo.

Bakaanelabu 16:18

Jísungutaaju li jikaan mo jow baj kunak. Muñeˈe Fool huuñool li hulit, gay li átiiwowul aan buyinumabu bajakutumuu: — Leeni li kajaw kata Yéesu Kilisita, úfu’ li jísungutaaju unju! Mal̥egen buyinumabu bajakutumuu li buyaan búfu’ li jo.

Bakaanelabu 3:6

Muñeˈe Fiyeel li aanool: — Ibajut ehaaliis, ibajut éwulus iseni. Bale wahawu wan ibajumuu, liseni wo: li kajaw kata Yéesu Kilisita ata Nasalet, uyito ujow!

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

2 Kata Koolent 13:10

Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.

2 Kata Koolent 13:3

mata kama bukuluul huŋes jóomi li hó, wahawu wammuu li úhiisuul kaanaku Kilisita álobume lí ínje. Kilisita ágootowut li bukuluul, bale láhihhiis sembaasu soola li bukuluul.

2 Kata Koolent 2:6

Kawatatenaku kan bukan kameeŋe li bukuluul kuwatatenumuu anawu ummu kufite boot li akila.

Kata Efées 5:20

Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

2 Kata Tesalonik 3:6

Kutuyom, wahawu unwe jil̥awuul li kajaw kata Amaaŋenawu: jitey an li bukuluul afañut bulok, ban li ahoy baloŋ nab li makaanelamu man jiliikeniilumuu.