1 Kata Koolent 4:19 - Jola-Kasa

¹⁹ Bale súumumuu li Amaaŋenawu, fan ibil booluul ban let fiyo. Nan emmuu li íliiŋul, inti kulimaku kan bukanabuku umbuku katebenumuu ubandiil léemi li ihaas, bale sembaasu san kubajumuu.

1 Kata Koolent 4:19 Referencias Cruzadas

Bakaanelabu 18:21

Li akatiil to min alako li ajow, li aaniil: — Súumumuu li Ateemit, fan ílaañul hunak hakee ijukuul. Ban li ájufowum li ésukayi yata Efées li ébato awuj.

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 20:2

Li ájowum halaabahu unhu, min anaak awaale bo ñameeŋe káyinenumuu min awankuleniil. Fúlum tó, li ajow boot Gilees,

Kata Lom 15:32

Kaan momuu, ban súumumuu li Ateemit, fan íliiŋul booluul li ésuumansuum ló, min ifan iyool̥o jatit booluul.

1 Kata Koolent 11:34

An li bukuluul acaaletumuu li atiñul boola, jakum jibil jinaak jiwoog, li jíŋalul katekaku kata Ateemit jikaanoolo. Wah waawu, nan emmuu li íliiŋul, li ilobuul mata wo.

1 Kata Koolent 14:5

Lifañeene min bukuluul foofuul feh jilob silob sahaasuti, bale lihaŋe mafañ min Ateemit álobum li bukuluul. Li mal̥egenamu, afulofet lahaŋe mabaj jáliŋ an alobe silob sahaasuti, mantee yo yommuu kama min akee akitten waa anawu alobumuu silob sahaasuti alobe, mantee ejanguwayi foof yo feh li elit li káyinenaku kata yo.

1 Kata Koolent 16:5

Boot min íjowum Maseduwaan min íhaaŋul boot booluul, (mata leete íjowum li etaamayi inyu).

1 Kata Koolent 16:7

Mata ñaañe, ifañut min ijukuul bale ínje li ejow. Lifañe min ilako booluul jakee, kaanumuu loon Amaaŋenawu lafanfañ.

1 Kata Koolent 2:6

Alóli jilobelob kulim kata bújallo bukanabuku kankumuu li káyinenaku. Ban inti bújallo bata adunaayi inye, inti foof bata bukanabuku kaakumuu adunaayi inye, kaano tomuu boot bil janiilen.

1 Kata Koolent 4:18

Kukee li bukuluul kutebenteben ubandiil mata kuyinooyinoo li koon let ibil booluul.

1 Kata Koolent 4:6

Kutuyom, wahawu wan ilobuulumuu feh, lilollob wo iya li Afolos lí ínje humumom boot li majakaamu mooluul. Lifañeene min jiliikenum li áloli wahawu wan húlobuwahu unhe hufañumuu hulob: «Jakum jikaan wah jijow jiwuuhen wahawu wakiicimuu.» An li bukuluul aatut ateben ubandool mata min alaañe bata akee min akat bo aahu.

2 Kata Koolent 1:23

Ateemit lahaase aan ímalut. Imálumuu, kama li amukom. Min ibilutumuu boot Koolent, ifañut min ikaanul búteb.

2 Kata Koolent 10:9

Ifañut min lako líkoyilenuukoyilen li sileetalasu súmbaam;

Eébulo 6:3

Wahawu unwu lóomimuu li ukaanaal, Ateemit okila bafañe.

Saak 4:15

Sin muñeˈe jooteenumuu jinaak jilob: «Amaaŋenawu afañumuu, fan uloŋaal min ukaanaal wahawu unwe mantee foof unwa.»