1 Kata Koolent 4:12 - Jola-Kasa

¹² Alóli jumbuku min jitekemuu síniiloli min jítuk li kúŋenoli min jilok. Kúgelolimuu li jísooniyeniil, li kúlaamenoli li jímuñ.

1 Kata Koolent 4:12 Referencias Cruzadas

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Máciya 5:44

Bale ínje li eenuul, jifañ kulatoolawuul, ban li jil̥aw boot li kálaatenewuulumuu.

Hulimahu Hásuumaahu loon Lík akiic homuu 23:34

Muñeˈe Yéesu li aan: — Faafa, ubonketiil, mata kuhaasut waa kukaane li wo. Kusollaaliyaku li kuñak kútuken min kugaboo wañawu woola.

Hulimahu Hásuumaahu loon Lík akiic homuu 6:28

Jísooniyen bukan kaguhuul. Jil̥aw boot li kálaatenewuulumuu.

Hulimahu Hásuumaahu loon Saŋ akiic homuu 15:20

Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Bakaanelabu 18:3

Ban emmuu bulokiil bano, (kakaan uyunt), li alako booliil, min kúlokum dín dáno.

Bakaanelabu 20:34

Bukuluul humumuul jihaase joon li kuŋenom lílokume, min ibaj wah boot li buloŋom li bata kanaake kunabumuu lí ínje.

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

Kata Lom 12:14

Jil̥aw Ateemit min ásooniyen bukanabuku kálaamenewuulumuu. Jil̥awool min ásooniyeniil. Jakum jil̥awool min akaaniil majakut.

Kata Lom 12:20

Amaaŋenawu lansaan foof: «Alatoolayi acaaletumuu, li usenool atiñ. Li bil nokoo loon bahob bujokool, li usenool ahob, mata ukaanumuu alatoolayi loon muñaˈa, fan nokoo loon kujek káwake lúwomenulo ukaanool li húkow.»

Kata Lom 8:35

Ayimaa ayilo ágaatuloololaal li húbooliyahu hata Kilisita? Waa fíle búyiik, bale waa buyina, mantee waa jálaaten, bale waa bucaa, bale waa fíle bugay, mantee waa wah wákoyileniye, bale waa fíle eket?

1 Kata Koolent 9:6

Mantee ínje li Balunabaas bale jóotimuu jilok li kúŋenoli min jiloŋ?

2 Kata Koolent 11:8

Lilowenlowenumuu sijangu sakee li bacaamabu ban iyabumuu li so min ilok boot li bukuluul.

Kata Efées 4:28

An anaakumuu ákuwet, li akat ékuwetayi. Laate alok li kuŋenool min ábajum to wah boot li buloŋool, li álambenum tó foof an an tooke kalamben.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

2 Kata Tesalonik 3:8

Alóli jikatut an min ákuumenoli maayiiñ, bale jiloolok etihunaka jiban ehuka li buyok li sílaam ló, jakum bil akee li bukuluul ákiloli hutiñ.

1 Tímote 4:10

Li mal̥egenamu, loonowaasoono li bulok súf li bútaj, mata lúkangumaakangum li Ateemit aloŋumuu, ammuu afakenaawu ata bukanabuku feh, háŋum káyinenumuu li akila.

1 Fiyeel 2:23

Nan kunaake kugeloolumuu, anaakut aluken. Nan kulakowoolumuu jálaamenaju, anuuloolut an, bale latebooloteboolo feh asen Ateemit atiibemuu col.

1 Fiyeel 3:14

Maayeet min jikite jílaam mata jikankaan wah wacole, jibaje kásuumaay. Jakum jíkoli bukan, ban jakum uyinumuul úguul̥oo.

1 Fiyeel 3:9

Jakum an akaani majakut li uhin ukaanool majakut. Jakum an ageli li uhin ugelool, bale an agelimuu li úsooniyenool, mata wahawu unwu Ateemit ahooñuulumuu boot, mantee li jiyab kásooniyenaku.

1 Fiyeel 4:19

Mó mújimuu, bukanabuku kammuu li sílaam naboo li húnongumahu hata Ateemit, koote kunaak kukaan majake ban li kuŋa’ saalasu sooliil kukat li kuŋenaku kata Ateemit Awúwenumuu wahoowah feh, alobemuu wah aban li akaan wo.

Eleetalayi yan Súd akiicumuu 1:9

Bale, maayeet Miseel humumool ammuu anahaanawu ata kumalakaaku, akaanut loon bukanabuku umbuku. Nan kúmuyumuu buko li Sayitaane min kulako búñakoo ehuluŋayi yata Móyiis, Miseel akaañenut agel Sayitaane. Lanoosaan bale: «Amaaŋenawu ajow ateki!»