1 Kata Koolent 4:10 - Jola-Kasa

¹⁰ Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

1 Kata Koolent 4:10 Referencias Cruzadas

Máciya 24:9

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji.

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Hulimahu Hásuumaahu loon Lík akiic homuu 10:16

Yéesu li afamen aan kúgoomaku koola: — An ajantenuulumuu, ínje humumom lajantene. An li ahoyuul, ínje humumom lahoye. Ban an ahoyommuu, anawu áboñulommuu lahoye.

Hulimahu Hásuumaahu loon Lík akiic homuu 18:9

Yéesu li afamen alob bukittenoolumabu umbe aya li bukanabuku kajokoolomuu loon buko bukan kacole hákil Ateemit, ban li kunaak kubes kaabuku. Li aaniil:

Hulimahu Hásuumaahu loon Lík akiic homuu 6:22

Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Bakaanelabu 17:18

Bale li baj bukan kukee kata sihekej kan koone Efíkiiliyeŋ, kaabuku Sitoyiisiyeŋ kabile kulob foof li Fool. Kukee li kunaak kugel̥l̥enoo koon: — Kama waa kaŋaaŋaalaku unku kahaasutumuu wahoowah kufañe kulob? Kaabuku li koon: — Kankaan loon mata kuteemit kata bakee láami li elob. Kulollob loon muñaˈa mata kujanjam Fool li awaale mata Yéesu, li mata kayitowulaku li eketayi.

Bakaanelabu 17:32

Nan bukanabuku kujamumuu Fool li alob mata kayitowulaku kata kaketumuu li eketayi, kukee li buko li kúl̥uwool, kaabuku li koonool: — Fan jibil jijanteni nakee min ulob mata hulimahu unhu.

Bakaanelabu 26:24

Emmuu Fool muñowu lalobumuu min acahenoolo, Fésitiis li abaŋulowool aan: — Fool, awu luwewwel! Wahawu wan uliikenumuu umemmeeŋ, gay li uweleni!

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

1 Kata Koolent 1:23

Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.

1 Kata Koolent 1:25

Mata wahawu wata Ateemit wajokimuu loon bul̥uuhoo, uhaŋe májallo bújallowabu bata ál̥ahukowan. Wahawu wata Ateemit wajokimuu loon búgooto bata Ateemit, uhaŋe mabaj sembe sembaasu sata ál̥ahukowan.

1 Kata Koolent 10:12

Mó mújimuu an ayinomuu li aan layitoyito, laate ákaanum jakum bil alo.

1 Kata Koolent 2:14

An abajutumuu Buyinumabu bata Ateemit let ayili ayab mal̥egenamu mabilummuu li Buyinumabu umbu. Mal̥egenamu ummu mulakolako bul̥uuhoo boot li anawu ummu. Ayilaat mo ánaanum, mata Buyinumabu bale bukaane mo an ánaanum.

1 Kata Koolent 2:3

Wahawu unwu újimuu, li ibil boot booluul mágootowe ban foof li kateelen ló kata ekole.

1 Kata Koolent 3:18

Jakum an li bukuluul abuntoolo. An li bukuluul ayinoomuu li aan lababbaj bújallowabu bata adunaayi inye, laate kama alaañenoolo an awele, bánum li alako li mal̥egen an ájallowe,

1 Kata Koolent 3:2

Míil̥ lisenuul jihob, inti mutiñaay mal̥aal̥e lisenuul, mata jiyilaateen mo jitiñ. Ban foof boot yok muñeˈe jiyilaat mo jitiñ,

1 Kata Koolent 4:8

Jiyaane jibaj wahawu wan jifañumuu feh! Jiyaane jikaan bukan kabaje! Jilaañe jikaan kúyii min jíkatoli bo. Lifañeene min jilako li mal̥egen kúyii, mantee áloli foof li jiyili jilako kúyii li mano li bukuluul.

2 Kata Koolent 10:10

mata konsoon: «Kulimaku kan alobemuu li sileetalasu soola kútaañitaañi ban li kul̥aal̥ ŋáa’, bale ajowumuu alako li alolaal, let abaj sembe ban balobelabu boola li búyiyeni ŋáa’.»

2 Kata Koolent 11:19

Kama bukuluul jayinoomuu li joon bukan kájallowe joom, bukuluul joonumuu éehe’ jiyilo jímuñ bukanabuku kasoŋetumuu.

2 Kata Koolent 11:29

An ágootomuu, ínje humumom foof li ígooto. An alomuu li kahoofoo, fan séngiwom kata láala ŋáa’.

2 Kata Koolent 13:9

Súumewolisuum nanoonan, nan áloli jígootowe ban bukuluul li jibaj sembe. Wahawu wan áloli jil̥awemuu, wo wommuu min bukuluul jilaañen jilako jak.

2 Kata Koolent 4:12

Muñowu eketayi yommuu li bulok li áloli, buloŋabu bo li bóomi li bulok li bukuluul.

2 Kata Koolent 6:8

Bukan kukee fan kúbinkenoli, kaabuku li kúbesoli; kukee li kúgeloli, kaabuku li kúsuuwoli. Kukee li kújokoli kúmalamiñ, ban mal̥egen jilobemuu.

1 Kata Tesalonik 4:8

Mó mújimuu, an ahoyumuu kulimaku unku, inti an lahoye, bale Ateemit lahoye, asenuulumuu Buyinumabu boola Banabaabu.

1 Fiyeel 4:14

Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.