1 Kata Koolent 3:18 - Jola-Kasa

¹⁸ Jakum an li bukuluul abuntoolo. An li bukuluul ayinoomuu li aan lababbaj bújallowabu bata adunaayi inye, laate kama alaañenoolo an awele, bánum li alako li mal̥egen an ájallowe,

1 Kata Koolent 3:18 Referencias Cruzadas

Máciya 13:22

Etaamayi yata banuunukenabu bata úbujaawu dán sígulasu silomuu, yo yommuu anawu ajamumuu Hulimahu hata Ateemit aban, uyinoolawu wata buloŋabu bata muñeˈe, li jabuntaju jata kásuumaku kata ebajayi, li kúgoben Hulimahu, min jí anawu li áloŋaati loon Hulimahu hulobumuu.

Máciya 18:4

Wahawu unwu újimuu an awalenoolomuu ajow anokoo loon jiñiilaju unje, akila ammuu ahaŋ maluukeni li Jáyiiyaju jata Ateemit.

Maak 10:15

Li mal̥egenamu fan ilobuul, an ayabutumuu Jáyiiyaju jata Ateemit loon añiil atit, anawu ummu let ánoken dó maayeet.

Hulimahu Hásuumaahu loon Lík akiic homuu 18:17

Li mal̥egenamu fan ilobuul, an ayabutumuu Jáyiiyaju jata Ateemit loon añiil atit, anawu ummu let anoken dó maayeet.

Hulimahu Hásuumaahu loon Lík akiic homuu 21:8

Yéesu li aaniil: — Jíkaanum, jakum bil an abuntuul. Mata bukan kameeŋ fan kubilum li kajawaku kúmbaam, min kunaak koon: «Injé emmuu Afakenaawu!» Ban «Taŋayi éliiŋulo!» Bale jakum jinab li buko.

Kata Lom 11:25

Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

1 Kata Koolent 15:33

Jakum jibuntoolo: «Kanaboo li bukan kajakut, lakajenekajen an ajake.»

1 Kata Koolent 3:17

An akajenumuu eluufayi yata Ateemit, Ateemit fan aniilen anawu ummu, mata eluufayi yata Ateemit eñawo, ban bukuluul jommuu eluufayi yoola.

1 Kata Koolent 4:10

Alóli joonosoono bukan kawele humum hata Kilisita, bale bukuluul joonosoono bukan kájallowe li hujamoolahu hooluul li Kilisita. Alóli jígootogooto, bale bukuluul jibabbaj sembe. Bukuluul bukanabuku kuluukenuuluuken, bale áloli kúbesolibes!

1 Kata Koolent 6:9

Kama jihaasut joon bukanabuku kakaanemuu majakut let kunoken li Jáyiiyaju jata Ateemit? Jakum jibuntoolo: káfulowemuu li aletalet, kamanenemuu kuteemit kalet mal̥egen, kahintowemuu li bukan kan kuyabowut, kánayinaabuku kahintenemuu kufaaliil kánayine,

Kata Galasi 6:3

An ayinoomuu li aan akila an áamak laam, ban kama alet wahoowah, anawu ummu okila abuntoolowe.

Kata Galasi 6:7

Jakum jibuntoolo, Ateemit let akat an min ajokool loon esoŋ. Li mal̥egenamu, wah wan an awañe, wo foof láamimuu li acac.

Kata Efées 5:6

Jakum jikat an min abuntumuul li kulim kabajut jáliŋ. Kákaanikoo loon unku kújimuu Ateemit li al̥eet bukanabuku kafañutumuu kútuulool.

2 Tímote 3:13

Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Saak 1:22

Bale jakum jibuntoolo, li kajanten hulimahu hata Ateemit bale, ban let jikaan loon hulobumuu.

Saak 1:26

An ayinoomuu li aan ummu li bulok li mal̥egen boot li Ateemit, ban ayilaat ákaanum buu lalobemuu, wahoowah wan anawu ummu akaane hin kakaal̥o.

1 Saŋ 1:8

Oonaamuu ubajutaal kahoofoo, lubuntoolowaale ololaal humumolaal, ban mal̥egenamu mulet li alolaal.