1 Kata Koolent 2:5 - Jola-Kasa

⁵ Mó mújimuu, káyinenaku kooluul kuhajowut li bújallo bata bukan, bale li sembaasu sata Ateemit kuhajowe.

1 Kata Koolent 2:5 Referencias Cruzadas

Bakaanelabu 16:14

Akee li kanaalaabuku umbuku kajawool Liidi. Liidi an ata ésukayi yata Tiyatiil, ban li alako ájulaˈa ata sileesa sájunke satiineniye ŋáa’, ban li anaak amanen Ateemit. Liidi li ájantenoli. Muñeˈe Amaaŋenawu li ábabulool buyinum, min abet sifintuwool feh li kulimaku kan Fool alakomuu elobayi.

1 Kata Koolent 1:17

Li mal̥egenamu, Kilisita aboñutom boot kábatiise bukan, bale laboñomboñ boot kawaale Hulimahu Hásuumaahu. Ban inti mata min iwaale ho li kulim kata bújallo bata ál̥ahukowan, jakum bil eketayi yata Kilisita li ekuluwaayi elako kakaal̥o.

1 Kata Koolent 3:6

Injé lil̥uul̥uk, Afolos li aloose, bale Ateemit akaane min l̥iil.

2 Kata Koolent 12:9

Li aanom: «Kájiyaku kúmbaam kufiti, mata li búgooto bata an sembaasu súmbaam sijukeyimuu.» Boot kama min isaloolo mata búgootowabu búmbaam, bájum sembaasu sata Kilisita li silako lí ínje.

2 Kata Koolent 4:7

Bale áloli jaakumuu hubajahu unhu, jinokoonokoo li siteefaay, min híis kaanaku sembaasu unsu saluukumuu sijow siwuuh sibilumut li áloli, bale li Ateemit.

2 Kata Koolent 6:7

Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit.