1 Kata Koolent 2:14 - Jola-Kasa

¹⁴ An abajutumuu Buyinumabu bata Ateemit let ayili ayab mal̥egenamu mabilummuu li Buyinumabu umbu. Mal̥egenamu ummu mulakolako bul̥uuhoo boot li anawu ummu. Ayilaat mo ánaanum, mata Buyinumabu bale bukaane mo an ánaanum.

1 Kata Koolent 2:14 Referencias Cruzadas

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Hulimahu Hásuumaahu loon Saŋ akiic homuu 10:20

Bukan kameeŋe li buko li kunaak koon: — Anáyinaawu ummu buyinum bajakut bújufowool! Lawewwel! Kama wáa újiye li jóomiwool li banjanten?

Hulimahu Hásuumaahu loon Saŋ akiic homuu 12:37

Maayeet min Yéesu akaanumuu úhiisenum wameeŋe wájaahaleniye hákiliil, Kusuwifaku kúyinenut li akila,

Hulimahu Hásuumaahu loon Saŋ akiic homuu 14:17

Anattenaawu ummu, okila ammuu Buyinumabu báhiisemuu bukanabuku mal̥egenamu. Bukanabuku kata adunaayi kuyilaatool kuyab, mata kujukutool, ban kuhaasutool. Bale bukuluul jihaasool, mata ummu téetiwuul, ban ummu li bukuluul.

Hulimahu Hásuumaahu loon Saŋ akiic homuu 14:26

Anattenaawu ammuu Buyinumabu Banabaabu ban Atuubaawu ammuu li áboñul li kajawaku kúmbaam, fan buliikenuul wahawu feh ban li buwal̥l̥enuul wahawu feh wan ilobuulumuu.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Hulimahu Hásuumaahu loon Saŋ akiic homuu 5:44

Kama buu emmuu nokoo li jiyili jíyinen, bukuluul jan emmuu búsaloo bale jifañe, ban let jiŋes kasal kabilumulo li Ateemit balewool?

Hulimahu Hásuumaahu loon Saŋ akiic homuu 8:43

Kama wáa újiye jínaanumut wahawu wan ilobuulumuu? Mata jiyilaat jijanten hulimahu húmbaam.

Bakaanelabu 16:14

Akee li kanaalaabuku umbuku kajawool Liidi. Liidi an ata ésukayi yata Tiyatiil, ban li alako ájulaˈa ata sileesa sájunke satiineniye ŋáa’, ban li anaak amanen Ateemit. Liidi li ájantenoli. Muñeˈe Amaaŋenawu li ábabulool buyinum, min abet sifintuwool feh li kulimaku kan Fool alakomuu elobayi.

Bakaanelabu 17:18

Bale li baj bukan kukee kata sihekej kan koone Efíkiiliyeŋ, kaabuku Sitoyiisiyeŋ kabile kulob foof li Fool. Kukee li kunaak kugel̥l̥enoo koon: — Kama waa kaŋaaŋaalaku unku kahaasutumuu wahoowah kufañe kulob? Kaabuku li koon: — Kankaan loon mata kuteemit kata bakee láami li elob. Kulollob loon muñaˈa mata kujanjam Fool li awaale mata Yéesu, li mata kayitowulaku li eketayi.

Bakaanelabu 17:32

Nan bukanabuku kujamumuu Fool li alob mata kayitowulaku kata kaketumuu li eketayi, kukee li buko li kúl̥uwool, kaabuku li koonool: — Fan jibil jijanteni nakee min ulob mata hulimahu unhu.

Bakaanelabu 18:15

Bale emmuu lakolako búwonnoo mata kulim, li mata ujaw, li mata eluwaayi yooluul, baabu bukuluul joote jihaase min jóomi li jikaan. Injé ifañut min ilako atiiba ata wah loon unwu.

Bakaanelabu 25:19

Kama búwonnoo bale kubaje li akila mata bútinabu booliil, li mata akee an koone Yéesu akete, an Fool aane ummu li buloŋ.

1 Kata Koolent 1:18

Li mal̥egenamu, kawaaleyaku kata eketayi yata Kilisita li ekuluwaayi, kulakolako bul̥uuhoo boot li bukanabuku kammuu li ejow li sambun, bale alolaal jaamaalumuu li bútinabu bata kafakaku, kawaaleyaku unku laalu sembaasu sata Ateemit.

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

1 Kata Koolent 1:23

Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.

1 Kata Koolent 1:25

Mata wahawu wata Ateemit wajokimuu loon bul̥uuhoo, uhaŋe májallo bújallowabu bata ál̥ahukowan. Wahawu wata Ateemit wajokimuu loon búgooto bata Ateemit, uhaŋe mabaj sembe sembaasu sata ál̥ahukowan.

1 Kata Koolent 15:44

Eniilayi yahokimuu li etaam ekankaan eniil yata adunaayi, yayitowumulomuu li eketayi ekankaan eniil yan Buyinumabu Banabaabu busene buloŋ.

1 Kata Koolent 15:46

Let ammuu Buyinumabu ammuu átinaalawu, bale ammuu ál̥ahukowan, ban kit ammuu Buyinumabu.

1 Kata Koolent 2:12

Alolaal uyabutaal buyinumabu bata adunaayi inye, bale Buyinumabu babilummuu li Ateemit luyabaale, bájum li uhaasaal wahawu feh wan Ateemit asenolaamuu.

1 Kata Koolent 3:1

Kutuyom, li mal̥egenamu iyiliwut ilob li bukuluul loon bukan kabaje Buyinumabu bata Ateemit. Lilollob li bukuluul loon bukan kata adunaayi inye, loon bukan kañiilowe li káyinenaku kooliil li Kilisita.

Saak 3:15

Bújallo loon umbu inti li emitayi bubilumulo. Laalu bújallo bata adunaaye, bata hin bóono bata an, babilimulo li Sayitaane.

1 Saŋ 2:20

Bale bukuluul jiyayyab Buyinumabu Banabaabu ban Kilisita akaanumuu li bukuluul. Mó mújimuu bukuluul foofuul feh jihaase mal̥egenamu.

1 Saŋ 2:27

Bale bukuluul, Kilisita laŋaŋŋa’ Buyinumabu boola akaan li bukuluul. Emmuu Buyinumabu bumbu nanoonan li bukuluul, jokutuul min akee abil aliikenuul, mata Buyinumabu fan buliikenuul wahoowah feh. Ban wahawu wan bommuu li buliikenuul wah wata mal̥egen, let wah wata émalimiñ. Wahawu unwu újimuu jikaan loon Buyinumabu buliikenuumuu, min jibaj hujamoo halite li Kilisita.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.

Eleetalayi yan Súd akiicumuu 1:19

Bukanabuku umbuku kátuulutumuu Ateemit bukomuu! Buko kutiiloolemuu bukanabuku. Li uyinoolawu wooliil bale kunabemuu, ban Buyinumabu bata Ateemit bulet li buko.