1 Kata Koolent 16:2 - Jola-Kasa

² Dímaasoodimaas, anoowan li bukuluul laate áfulen sídalam naboo li wahawu wan abajumuu, ahahen jata so boola. Jikaan mo jakum bil íliiŋul, li jikit jijow kayinoo káfulen sídalam jisen.

1 Kata Koolent 16:2 Referencias Cruzadas

Maak 14:8

Anaalaawu lakankaan wahawu wan ayilimuu akaan. Layansaan aheeñen eniilayi yúmbaam akat to boot bil li kahokaku kúmbaam.

Hulimahu Hásuumaahu loon Lík akiic homuu 16:10

An átukumuu jak wah watit, fan átuk foof jak wah wáamak. An átukutumuu jak wah watit, let átuk foof jak wah wáamak.

Hulimahu Hásuumaahu loon Lík akiic homuu 24:1

Muñeˈe li líiŋ li hunakahu hútinaalahu hata esimenayi, kanaalaabuku li kujow li bújom bíb bajuk huyaakahu hata Yéesu. Li kulako ejowayi li kújowetumoo múki’ man kutofotoole li eheeñ.

Hulimahu Hásuumaahu loon Saŋ akiic homuu 20:19

Muñeˈe li kátiimaku kata Dimaasayi inyu, kúgoomaku. Yéesu li abil ayito li tutiil min aaniil: — Kásuumaay kulako li bukuluul!

Hulimahu Hásuumaahu loon Saŋ akiic homuu 20:26

Muñeˈe li baj kunak hutok li kúhaaji, kúgoomaku kata Yéesu li kulaañen kuwoog li eluufayi, ban Toma to lalakowe li buko. Wámbiilawu wata eluufayi ukul̥eenikul̥, bale Yéesu li abil ayito hákiliil, ban li aan: — Kásuumaay kulako li bukuluul!

Bakaanelabu 20:7

Li líiŋ li hunakahu hútinaalahu hata esimenayi, li jiwoogoo boot kamunculoo húmbuuluwahu. Fool li alako elob li bukanabuku káyinenumuu. Emmuu hunak hukaten láami li ajow, li awaale kale hukahu hujow hulit ŋáa’.

2 Kata Koolent 8:10

Boot min ilobuul kayinoolaku kúmbaam: hútiim bukuluul jilakomuu kútinaa li kasenaku, ban bukuluul jifañe li jisen. Jaajak ŋáa’ min jihanken li bulokabu umbu.

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.