1 Kata Koolent 16:16 - Jola-Kasa

¹⁶ min jikat bukan loon umbuku, li bukanabuku feh kammuu li bulok súf li buko, min kumatuul.

1 Kata Koolent 16:16 Referencias Cruzadas

Kata Lom 16:12

Jisaafom Tilifen buko li Tilifoos, kammuu li bulok súf boot li Amaaŋenawu. Jisaafom foof Felisid an íboolimuu foof ban li áami li bulok ŋáa’ boot li Amaaŋenawu.

Kata Lom 16:3

Jisaafom Filisila buko li Akilaas kammuu kufaalom kuloka boot li Yéesu Kilisita.

Kata Lom 16:6

Jisaafom Mali alokumuu ŋáa’ boot li bukuluul.

Kata Lom 16:9

Jisaafom Ilibeŋ ammuu áfaaloli aloka boot li Amaaŋenawu, buko li Sitakis an íboolimuu ŋáa’.

1 Kata Koolent 12:28

Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.

1 Kata Koolent 3:9

Li mal̥egenamu, áloli kuloka joom kálokume dín dáno boot li Ateemit, bukuluul li jóomi kal̥aakaku kata Ateemit. Bukuluul jommuu eluufayi yata Ateemit.

Kata Efées 5:21

Jinaak jítuuloo humum hata kákoli kan jíkoliye Kilisita.

Kata Fílib 4:3

Imban awu humumi foof ammuu afaalom aloka ata mal̥egen, lil̥awi min ulamben kanaalaabuku umbuku kúl̥uba. Kutattaj boot li Hulimahu Hásuumaahu lí ínje ló, famen to foof Kilema li kufaalom kaabuku feh kata bulok, kan ujawawu wooliil wommuu li éliibalayi yata buloŋabu.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Kata Tesalonik 5:12

Kutuyom, jil̥awuul min jiluuken bukanabuku kammuu li bulok súf li bukuluul, buko kan Amaaŋenawu akaanumuu hákiluul boot min kookenuul min foof kuliikenuul.

1 Tímote 5:17

Kunahaanaku kajokumuu Ejanguwayi jak, háŋum kaakumuu bútebabu bata kawaale li kaliiken bukanabuku Hulimahu, tooke min kuyab bacaam baleˈe ñál̥uba li bacaamabu ban kubajemuu.

Eébulo 13:17

Jítuul kunahaanaku kooluul, ban koonuulumuu jikaan wah, li jikaan wo loon kulobuulumuu. Li mal̥egenamu, buko kommuu li kafooyuul, mata Ateemit fan abil agel̥l̥eniil mooluul. Jikaan manooman mantee li kuyili kukaan bulokabu booliil li ésuumansuum ló, bale inti li jíl̥okoo ló, mata kukaan momuu let lambenuul maayeet.

Eébulo 13:24

Jisaafom kunahaanaku kooluul feh, li bukanabuku feh kata Ateemit. Kutuyolaal kammuu li etaamayi yata Itali kusaafuluul.

Eébulo 6:10

Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.

1 Fiyeel 5:5

Li manolamu, bukuluul jañiilomuu, joote jítuul kunahaanaku kooluul. Bukuluul foofuul feh anoowan laate awalenoolo hákil afaalool, mata loon Bakiicelabu bulobumuu: «Ateemit lahoohoy bukanabuku katebenoolomuu, min asen kájiyaku koola kawalenoolomuu.»

3 Saŋ 1:8

Mó mújimuu alolaal lootaale uyabaal bukan loon umbuku, mantee li ulambenaaliil li bulokabu ban kommuu li kakaanaku min mal̥egenamu muhaasi.

Búhiisenumabu 2:3

Luyiliyili húmuñ. Lúlallaam ŋáa’ mata ínje íji, ban úyekowut.