1 Kata Koolent 16:12 - Jola-Kasa

¹² Atuyolaal Afolos, liwankulenewoowankulen ñameeŋe mata min abil booluul li kutuyolaal kaabuku, bale afañut min afan abil muñeˈe. Nan ammuu ayili abil, fan abil.

1 Kata Koolent 16:12 Referencias Cruzadas

Maak 6:21

Muñeˈe Elodiyaas li abaj bútin bajake li hunakahu hawayil̥enumuu nan Elod abukimuu. Elod li akaan húbaññaati li hunakahu unhu min áhooñul bukanabuku káamakaku kata jáyiiyaju joola, li kunahaanaku kata kusollaaliyaku koola, li kunahaanaku kata etaamayi yata Gálile.

Bakaanelabu 15:34

[Bale Silaas li ajok min alako Antiyok.]

Bakaanelabu 18:24

Muñeˈe no unnu, asuwif akee an koone Afolos abuki Alekusandili, li áliiŋul li ésukayi yata Efées. Afolos lakankaan ánayine acole hulim, ban li ahaas Hulimahu hata Ateemit jak.

Bakaanelabu 19:1

Nan Afolos alakomuu Koolent, Fool li ájowum li etaamayi ban kuyuuyaku kommuu, abil boot Efées. Alíiŋul li atook bó kúgoom kukee.

Bakaanelabu 24:25

Bale nan Fool ajeˈe alobumuu mata buloŋ bacole, mata hujokoo, li mata batiibabu bammuu li bubil, Féeliis li ákoli min aanool: — Muñeˈe luyilo ujow. Nan emmuu li ibajo, li íhooñuli.

1 Kata Koolent 1:12

Wahawu wan ifañumuu ilob, wo wommuu unwe: li bukuluul akee fan aan: «Injé bata Fool lilaañe», aahu li aan: «Injé bata Afolos», aahu li aan: «Injé bata Fiyeel», akee foof li aan: «Injé bata Kilisita lilaañe».

1 Kata Koolent 3:22

lako Fool, lako Afolos mantee foof Fiyeel, lako adunaayi, lako buloŋabu, lako eketayi, lako wah wata muñeˈe mantee foof wammuu li ubil, wahoowah feh wooluul.

1 Kata Koolent 3:5

Kama Afolos waa laam? Fool waa laam? Alóli kuloka bale joom kata Ateemit, kájiwuulumuu li jíyinen li Kilisita. Anoowan li áloli lakankaan bulokabu ban Amaaŋenawu asenoolumuu kakaan.

Eleetalayi yan Fool akiicumuu Tit 3:13

Ukaan manooman min ulamben Senaas ammuu akooŋena buko li Afolos li kañaahoolaku kooliil, ban li ujuke to jakum bil kúbajaati wah wan jokiil li wo.

Eleetalayi yan Fool akiicumuu Tit 3:4

Bale nan Ateemit ammuu Afakenaawu oololaal, áhiisumuu másuumamu li húbooliyahu han abajumuu boot li bukanabuku,