1 Kata Koolent 15:54 - Jola-Kasa

⁵⁴ Nan wahawu wakajenemuu wommuu ulako wah wákajeneliit, min wahawu waketemuu ulako wah wáketeliit, no hulimahu unhe han Bakiicelabu bulobumuu hommuu li hubaj: «Ateemit laheeheek eketayi, laniilenniilen yo bándoo.

1 Kata Koolent 15:54 Referencias Cruzadas

Hulimahu Hásuumaahu loon Lík akiic homuu 20:36

Fan kunokoo loon emalakaayi, ban let kuket. Buko fan kulako bañiil bata Ateemit, mata kuyitowuuyitowul li eketayi.

Kata Lom 1:23

Kúmaneneliit máyiineniyamu mata Ateemit áketeliitumuu, min buko kunaak kumanen kambu kata bukan kaketemuu, kata basuu, kata bánuukuleŋ li kata sinuukayila.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 6:12

Mó mújimuu, kahoofoolaku kootut kubaj sembe li siniilasu sooluul sammuu li sibil siket, ban jakum jinab li kásiibowaku kajakutumuu kata siniilasu sooluul.

Kata Lom 8:11

Nokoomuu loon Buyinumabu bata Ateemit ayitenumulomuu Yéesu Kilisita li eketayi, bumbu min bukine li bukuluul, Ateemit ayitenumuloomuu li eketayi fan ájowum li Buyinumabu umbu Banabaabu bakinumuu li bukuluul, min asen buloŋ eniilayi yooluul yammuu li ebil eket.

2 Kata Koolent 4:11

Li mal̥egenamu, li búloŋoli feh, áloli jumbuku min jijukemuu nanoonan eketayi humum hata Yéesu, bájum buloŋabu bata Yéesu li bujuki foof li siniilasu sóololi sammuu li sibil siket.

2 Kata Koolent 5:4

Muñeˈe nan oomaalumee li eniilayi inye yata baabe li etaam, alolaal ummuwaal min ubajaalemuu buyina báamak ban li úlaamaal ŋáa’. Let mantee lufañaafañ min úfulenaal eniilayi yammuu li ebil eket, bale lufañaale min ukaanowaal eniilayi yaatutumuu ebil eket, mantee buloŋabu li buniilen eniilayi yammuu li ebil eket.

2 Kata Tesalonik 1:10

Li hunakahu unhu nan ammuu li abil, bukanabuku koola fan kúbinkenool, ban káyinenumuu li akila feh li kúgaalenool. Bukuluul humumuul fan jilako li bukanabuku umbu, mata jíyinenyinen li hulimahu han áloli jiwaalewuulumuu.

Búhiisenumabu 20:14

Muñeˈe li kuŋa’ Eketayi li Dán kaketumuu kulakomuu, kubeten li buwokaayabu bata sambunasu. Buwokaayabu umbu bata sambunasu bo bommuu eketayi yál̥ubutayi.

Búhiisenumabu 21:4

Fan átil̥ muhuuwamu mooliil feh li kúkiliil. Eket let elaañen ebaj, ñíkul foof let ñibaj. An let al̥okoo, an let abaj foof sílaam. Mata, wahawu feh uhaanawu fan újim.»