1 Kata Koolent 15:32 - Jola-Kasa

³² Nokoomuu loon bútajabu ban itajumuu li sínukuleŋasu sata li bujal li ésukayi yata Efées, li kayinoo kata ál̥ahukowan bale lítajum bo, jáliŋ buu léemi li ibaj to? Kaanumuu loon mal̥egen kaketumuu let kuyitowumul li eketayi, kama loon húlobuwahu hulobumuu: «Utiñaal ban li uhobaal, mata kajom fan uketaal.»

1 Kata Koolent 15:32 Referencias Cruzadas

Hulimahu Hásuumaahu loon Lík akiic homuu 12:19

Ban fan inaak een li buyinumom: «Cóoj, áyine, lubaje ebaj yáamak yaate elako to simit sameeŋe. Muñeˈe uyool̥o, min utiñ, li uhob min ubaj ésuumahukow.»

Hulimahu Hásuumaahu loon Lík akiic homuu 9:25

Jáliŋ buu yoom to, an babaje wahawu feh wata adunaayi ban li ájimen buloŋool, mantee li akajenoolo okila humumool?

Bakaanelabu 18:19

Muñeˈe li kujow boot Efées kúliiŋ, Fool li akat to Filisila buko li Akilaas, min ajow anoken li eluufayi yata kal̥awaku.

Bakaanelabu 18:21

Li akatiil to min alako li ajow, li aaniil: — Súumumuu li Ateemit, fan ílaañul hunak hakee ijukuul. Ban li ájufowum li ésukayi yata Efées li ébato awuj.

Bakaanelabu 19:1

Nan Afolos alakomuu Koolent, Fool li ájowum li etaamayi ban kuyuuyaku kommuu, abil boot Efées. Alíiŋul li atook bó kúgoom kukee.

Kata Lom 3:5

Bale nokoomuu loon mácolaatiyamu moololaal mommuu li múji macolamu mata Ateemit li muhaŋ majuki, fan oonaal buu? Inti Ateemit fan alako Ateemit acolut okila batekewolaal li etindihuuñayi yoola? (Lilollob loon an elobemuu.)

Kata Lom 6:19

Fan ilob li bukuluul loon ál̥ahukowan alobemuu, mata búgootowabu booluul búji. Naanaŋ, jikaanoolokaanoolo humumuul feh emiikeel yata buloŋ basetut, li yata kákaanikoo. Li manolamu, muñeˈe joote jilako bukuluul humumuul emiikeel yata kakaan wah wacole min jiloŋ buloŋ banabe.

1 Kata Koolent 16:8

Bale boot min ilako li ésukayi yata Efées boot yok li hunakahu hata kagaanaku kata Fantokot,

Kata Galasi 3:15

Kutuyom, boot min iŋa’ bukittenoolum bata makaane mata an. An alobumuu kasen an wah ban li átuk tó, anoowan let ayili áfulen kulimaku koola mantee foof li afamen to wah ukee.

2 Fiyeel 2:12

Bukanabuku umbuku kukaanekaan loon bukan kaakut uyinum, loon sínuukuleŋ sabukeyimuu boot jajok jow muk.

Eleetalayi yan Súd akiicumuu 1:10

Bale bukanabuku umbuku kátuulutumuu Ateemit buko fan kugel wahawu wan kuhaasutumuu. Wahawu wan kuhine kuhaasumuu, kuhahhaas wo bale loon sínuukuleŋasu saakutumuu uyinum sihaasemuu wah. Ban wahawu unwu humum wo, wo wommuu li újimeniil.