1 Kata Koolent 15:18 - Jola-Kasa

¹⁸ Yo yommuu foof kama káyinenumuu li Kilisita ban li kuket, kújinjim bándoo.

1 Kata Koolent 15:18 Referencias Cruzadas

Bakaanelabu 7:60

Fúlum tó, Ecen li ákuntuŋ ban li akaaw butiya aan: — Amaaŋen, ubonketiil kahoofoolaku unke. Nan alobumuu kulimaku unku aban, li awalo.

1 Kata Koolent 15:6

Fúlum tó, li áfu’ kúgoomaku koola kahaŋe síteemeel hutok, li mano. Kukee li buko kukete, bale kameeŋe li buko kumbuku li buloŋ.

1 Kata Tesalonik 4:15

Li mal̥egenamu, hulimahu unhe Amaaŋenawu alobumuu ban ho foof áloli jommuu li jilobuul: bukan li ololaal kammuu li kulako li buloŋ nan Amaaŋenawu ammuu li abil, let kuyab kayooŋ bukanabuku kaketumuu kuban.

1 Kata Tesalonik 4:16

Mata Amaaŋenawu fan alob butiya, min Anahaanawu ata kumalakaaku al̥ok kasiinaku kata Ateemit. Muñeˈe no unnu, Amaaŋenawu humumool fan áwalowumul li emitayi. Bukanabuku káyinenumuu li Kilisita ban li kuket, buko kommuu kujand kuyitowumul li eketayi.

Búhiisenumabu 14:13

Muñeˈe li ijam hulim habilumulo li emitayi haanom: — Ukiic kulimaku unke: «Awólo, bukanabuku kaketumuu muñeˈe buko li bulok boot li Amaaŋenawu!» Buyinumabu li boon: «Mal̥egen áwolo, mata kuyilo kuyool̥o li bulokabu booliil. Wahawu wan kulokumuu fan unab li buko.»