1 Kata Koolent 14:12 - Jola-Kasa

¹² Bukuluul foof mo manolamu! Emmuu jifanfañ ŋáa’ újiyawu wata Buyinumabu Banabaabu, jihaŋ maŋes újiyawu wayilimuu ulamben Ejanguwayi feh min yank li káyinenaku.

1 Kata Koolent 14:12 Referencias Cruzadas

Kata Lom 14:19

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

1 Kata Koolent 12:31

Mó mújimuu, jiŋes li uyinumuul feh újiyawu wahaŋumuu feh. Muñeˈe, boot min íhiisuul bútinabu bahaŋumuu útin waawu feh.

1 Kata Koolent 12:7

Buyinumabu Banabaabu bubaje buu búlokumemuu li anoowan, li káji boot li majakaamu mata bukanabuku feh.

1 Kata Koolent 14:1

Jijand jiŋes húbooli. Jiŋa’ uyinumuul feh jikaan li újiyawu wata Buyinumabu Banabaabu, háŋum kájiyaku kata min Ateemit álobum li bukuluul.

1 Kata Koolent 14:13

Wahawu unwu újimuu, an alobe silob sahaasuti laate al̥aw Ateemit min asenool kájiyaku kata kaheb ésukayi waa silobasu unsu silobe.

1 Kata Koolent 14:26

Kutuyom, kama muñeˈe boot min een buu? Nan jiwoogemuu, an li bukuluul abajumuu kakijen, layilo akijen ko. An li abaj wah wan áami li aliiken bukanabuku, li alob wo. An li abaj wah wan Ateemit áhiisool boot li bukanabuku, li alob wo. An foof li abaj hulim han áami li asen bukanabuku li elob yahaasuti, li alob ho. Li bil nokoo loon an ayilo átiiw hulim halobi li elob yahaasuti min bukanabuku kuhaas ho, li átiiw hó. Wahawu unwumaa feh, woote ukaani boot kalamben Ejanguwayi min yank.

1 Kata Koolent 14:5

Lifañeene min bukuluul foofuul feh jilob silob sahaasuti, bale lihaŋe mafañ min Ateemit álobum li bukuluul. Li mal̥egenamu, afulofet lahaŋe mabaj jáliŋ an alobe silob sahaasuti, mantee yo yommuu kama min akee akitten waa anawu alobumuu silob sahaasuti alobe, mantee ejanguwayi foof yo feh li elit li káyinenaku kata yo.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.