1 Kata Koolent 13:13 - Jola-Kasa

¹³ Muñeˈe wahawu unwe úhaaji wóomi tómuu boot nanoonan: káyinenaku, kákangumaku, li húbooliyahu, ban húbooliyahu huhaŋumuu feh li wahawu unwu úhaaji.

1 Kata Koolent 13:13 Referencias Cruzadas

Hulimahu Hásuumaahu loon Lík akiic homuu 10:27

Anáyinaawu li aan Yéesu: — «Loote ufañ Amaaŋenawu Ateemit ooli li buyinumi feh, li yaali feh, li sembeyi feh, li kayinooli feh. Ban foof loote ufañ afaali an loon awu humumi ufañoolomuu.»

Hulimahu Hásuumaahu loon Lík akiic homuu 22:32

Bale lil̥awul̥aw boot li awu jakum bil ukat káyinen lí ínje. Bale nan ommuu úlaañul búmba, uliten káyinenaku kata kutuyi.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

1 Kata Koolent 14:1

Jijand jiŋes húbooli. Jiŋa’ uyinumuul feh jikaan li újiyawu wata Buyinumabu Banabaabu, háŋum kájiyaku kata min Ateemit álobum li bukuluul.

1 Kata Koolent 16:14

Jikaan wahoowah li húbooli ló.

1 Kata Koolent 3:14

An an sambunasu unsu sootutumuu sikajen wahawu wan ateefumuu alakken li huteefahu unhu huleeteemaahu, anawu ummu fan ayab bacaam.

1 Kata Koolent 8:1

Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

1 Kata Koolent 8:3

Bale an afañumuu Ateemit, anawu ummu Ateemit lahaasool.

2 Kata Koolent 5:10

Li mal̥egenamu, wahawu wan ukaanaalumuu alolaal foofolaal feh, fan ubil uhaasi hákil tilibinaalayi yata Kilisita, min anoowan ayab bacaamabu bata wahawu wan akaanumuu nan alakomuu buloŋ li eniilayi inye, lako majake mantee foof majakut.

2 Kata Koolent 5:15

Lakeeket boot li bukanabuku feh, jakum bil bukanabuku kammuu li buloŋ kuloŋ boot li buko humumiil, bale min kuloŋ boot li anawu aketumuu ban li ayitowumul li eketayi boot li buko.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

Kata Kolos 1:27

Ateemit lakankaan mo, mata lafanfañ min áhiis bukanabuku koola, majakamu mata wahawu woola wahaasutimuu, li máyiineniyamu mata wo boot li bukanabuku feh. Wahawu unwu wahaasutimuu wo wommuu: Kilisita ummu li anoowan li bukuluul, ban li akaanuul jíkangum kaanaku, fan jilako li máyiineniyamu mata Ateemit.

Kata Kolos 1:5

Jibabbaj káyinen li húbooli mata min jiyaakaalumuu li wahawu wan Ateemit akatumuu li emitayi boot li bukuluul. Yaakaalayi inyu, nan hulim hata mal̥egenamu hammuu Hulimahu Hásuumaahu hubilumuu booluul kátinaalaku min jijam ho, no jibaj yomuu.

Kata Kolos 3:14

Ban famen to li wahawu unwumaa feh, jíbooliwoo, mata húbooli hujokemuu bukan hukaan tin tano li kajamoo kata mal̥egen.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 5:8

Bale alolaal bañiil bata etihunaka loomaal, ban ootut uwuuhenaal li wahoowah. Lootaale uŋalaal káyinenaku li húbooliyahu kulako ebangalayi yoololaal yaŋali kaan kájufo. Kákangumaku kata fan ufakaal ko kommuu li kulako káhandolaal kata mañ.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

2 Tímote 1:7

Li mal̥egenamu, Ateemit asenutolaal Buyinum bata ekole, bale Buyinum bata sembe, bata húbooli li bata hujokoo lasenolaal.

Eébulo 10:35

Jakum jikat bo káwooluwaku kan jibajumuu. Fan kúŋaluluul busuuhen báamak.

Eébulo 10:39

Bale alolaal uletaal ló li bukanabuku kañakemuu kulaañ búsol min kújim, bale alolaal oomaalumuu bukanabuku káyinenumuu, ban lufakaale.

Eébulo 6:11

Bale áloli jifañeene min anoowan li bukuluul abaj káyikil̥owaku kanolaku boot yok li húbanumahu, bájum wahawu wan jíkangummuu lí wó li ubaj boot to.

Eébulo 6:19

Kákangumaku unku kunokoonokoo li alolaal loon hulankalahu hata yaalayi yoololaal. Kubabbaj sembe ban li kulit, ban li kunoken boot kata láala hufalalahu hata eluufayi yata Ateemit.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.

1 Saŋ 2:10

An áboolimuu atuyool, anawu ummu, ummu nanoonan li mawuŋaamu, ban bajut wah li akila waate újiwool li alo li kahoofoo.

1 Saŋ 2:14

Bañoolom, ilaañen ikiiculuul min íhiisuul kaanaku jihaase Atuubaawu. Kunahaan, ilaañen ikiiculuul min íhiisuul kaanaku jihaase anawu afimmuu min áami tó yaan no li húkitumahu. Báfulabe, ilaañen ikiiculuul min íhiisuul kaanaku jibabbaj sembe. Hulimahu hata Ateemit hunhu nanoonan li bukuluul, ban jiheeheek Sayitaane.

1 Saŋ 2:24

Mó mújimuu, jiŋa’ kulimaku kan jijam nomuu yaan li húkitumahu, jikaan li uyinumuul. Nokoomuu loon kulimaku kan jijam nomuu yaan li húkitumahu kunku nanoonan li uyinumuul, fan foof jijamoo li Añiilawu li Atuubaawu.

1 Saŋ 3:3

Anoowan feh abaje li Kilisita kákangum loon unku, laate akaanoolo an anabe loon Kilisita humumool akaanumuu an anabe.

1 Saŋ 3:9

An áami añiil ata Ateemit akat kahoofoo, mata buloŋabu babilumulomuu li Ateemit li anawu ummu bul̥uki loon sígul. Anawu ummu ayilaat anaak akaan kahoofoo, mata Ateemit ammuu Atuubawool.