1 Kata Koolent 13:1 - Jola-Kasa

¹ Nokoomuu loon lilobelob silobasu feh sata bukanabuku li sata kumalakaabuku ban ibajut húbooli, linokoonokoo li mañ mawele mantee foof li hujeleleŋ hafiiŋene.

1 Kata Koolent 13:1 Referencias Cruzadas

Máciya 25:45

Ayíiyawu fan aaniil: “Li mal̥egenamu fan ilobuul, nanoonan feh nan jikaanut wahawu unwu akee li umbuku kahaŋumuu matiti li kutuyom, ínje humumom jikaanut wo.”

Maak 16:17

Bújaahalenumabu umbe káyinenumuu lí ínje kommuu li kukaan: — Fan kukesoo uyinumawu wajakutumuu li kajawaku kúmbaam. Fan kulob silob sábuto li sooliil.

Kata Lom 14:15

Uyokenumuu atuyi humum hata wahawu wan awu útiñemuu, ulet li káhiisool húbooli. Jakum wah wan utiñe bale újiyi li újimen an an Kilisita akete boot li akila.

1 Kata Koolent 12:10

Akee Buyinumabu li busenool kayile min anaak akaan bújaahalenum, aahu li busenool káji kata min naak Ateemit álobum li akila, akee foof li busenool káji min anaak ahaas wah wabilumulo li Buyinumabu Banabaabu li wah wabilumulo li uyinumawu wajakutumuu. Akee Buyinumabu li busenool káji kata min alob silob sahaasuti, aahu li busenool káji kata min ayili akitten bukanabuku waa silobasu unsu silobe.

1 Kata Koolent 12:16

Li bil nokoo loon ejanayi yoone: «Emmuu ínje ilet jíkil, kama ilet ló li eniilayi», mantee fan jí yó lí élakowaati li mal̥egen bugeb bata eniilayi?

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

1 Kata Koolent 13:8

Húbooli ábaneliit. Ateemit fan abil akat élobum li bukan. Kájiyaku kata elob silob sahaasuti fan kubil kuban. Kahaasemiñ fan kubil kumoj.

1 Kata Koolent 14:2

Li mal̥egenamu, an alobe silob sahaasuti, alobut li bukanabuku, bale li Ateemit lalobe, mata let baj an ammuu ajam waa lalobe. Fan álobum wah wan an ahaasut li sembaasu sata Buyinumabu.

1 Kata Koolent 14:4

An alobe silob sahaasuti, káyinenaku koola bale ko lalitene, bale afulofet, káyinenaku kata ejanguwayi foof yo feh lalitene.

1 Kata Koolent 14:5

Lifañeene min bukuluul foofuul feh jilob silob sahaasuti, bale lihaŋe mafañ min Ateemit álobum li bukuluul. Li mal̥egenamu, afulofet lahaŋe mabaj jáliŋ an alobe silob sahaasuti, mantee yo yommuu kama min akee akitten waa anawu alobumuu silob sahaasuti alobe, mantee ejanguwayi foof yo feh li elit li káyinenaku kata yo.

1 Kata Koolent 8:1

Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

2 Kata Koolent 12:4

anawu ummu lajowujow boot li emitayi min ajam ló kulim kan an ayilaat ánaanum, kan an ayilaat alaañen alob.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

Búhiisenumabu 14:2

Li ijam hulim habilumulo li emitayi, ban li hunokoo li kácololen kata mal máamak. Li hunokoo foof loon kawel káamak kata hufalajaj. Hulimahu han ijamumuu hunokoonokoo li kawel kata sikontiñ.